Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
дыля — тоўстая дошка;
жур — негусты аўсяны кісель;
зняна́цку — раптоўна, нечакана;
дашчэнту — на́чыста, зусім, поўнасцю;
ношка — ахапак, вязка сена, саломы, дроў;
крышан — плоскі кусок чаго-небудзь ядомага.
Якуб Колас пісаў:
І хлеба ёсць крышан са мною,
Чаго ён сохне сіратою?
пудрыць мазгі — знарок казаць што-небудзь няправільнае, падманваць (беларусы яшчэ скажуць: дурыць галаву, абуваць у лапці, бакі забіваць, вадзіць за нос, вешаць лапшу, гнуць дугі, пускаць пыл у вочы; рускія: компостировать мозги, травить баланду);
да апошняй ніткі — 1) поўнасцю, начыста абабраць, абчысціць; 2) наскрозь, зусім прамокнуць і да т. п. (беларускія сінонімы: як ліпку, да касцей; рускія адпаведнікі: как липку, до мозга костей).
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.