Сацыякультурны канал «Беларусь 3» падрыхтаваў тэматычны эфір да 135-годдзя Якуба Коласа — праграма на 3 лістапада цалкам прысвечаная класіку.
Пра жыццё і творчасць паэта проста і ўскосна будуць гаварыць сучаснікі і гісторыкі літаратуры. Так, студэнты Акадэміі мастацтваў, маладыя артысты тэатра і кіно прачытаюць вершы юбіляра ў відэароліках праекта «Мой Колас». Нашчадкі паэта — сын Міхась і ўнучка Марыя падзеляцца ў праграме «Майстры і куміры» ўнікальнымі фотаздымкамі і ўспамінамі, а Нацыянальны акадэмічны канцэртны аркестр Беларусі пад кіраўніцтвам прафесара Міхаіла Фінберга прадставіць канцэрт «Купала і Колас. Вы нас гадавалі». Акрамя таго, паглядзець на творы класіка свежым вокам (і прачытаць з дапамогай схаваных субцітраў) можна будзе ў мастацкіх фільмах «Талаш» і «Першыя выпрабаванні», чарговай серыі дакументальнага цыкла «Запіскі на палях», спектаклі «Сымон-музыка» ў пастаноўцы Купалаўскага тэатра.
Вікторыя ЗАХАРАВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».