Рэпрадукцыю «Моны Лізы» Леанарда да Вінчы аўтарства французскага мастака Марселя Дзюшана, на якой ён алоўкам дамаляваў бараду і вусы, прадалі на аўкцыёне ў Парыжы за 632,5 тысячы еўра, паведамляецца ў Інстаграме аўкцыённага дома Sotheby's.
«Вусатая» Мона Ліза першапачаткова ацэньвалася ў 400—600 тысяч долараў. Дзюшан, творы якога аказалі ўплыў на ўзнікненне канцэптуальнага мастацтва, стварыў «барадатую» версію «Моны Лізы» яшчэ ў 1964 годзе і назваў яе «L.H.O.O.Q». Але ўпершыню мастак дамаляваў вусы Джакондзе яшчэ ў 1919 годзе. За ўсё жыццё Дзюшан намаляваў некалькі дзясяткаў копій гэтай карціны. Карціна Дзюшана выстаўлялася на аўкцыёне ў складзе калекцыі са 110 твораў дадаізму і сюррэалізму. Сума ад продажу ўсіх лотаў дасягнула 3,9 мільёна еўра.
Іван КУПАРВАС
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
