Вы тут

Студэнты-праграмісты пазмагаюцца за выхад у паўфінал чэмпіянату свету


Юбілейны чвэрцьфінал Чэмпіянату свету па праграмаванні сярод студэнтаў Заходняга рэгіёну стартуе 1 лістапада ў БДУ.


Удзельнікамі спаборніцтваў стануць больш за 55 студэнцкіх каманд з Беларусі, Латвіі, Літвы, Эстоніі і Калінінградскай вобласці Расіі. Нашу краіну прадставяць больш за 15 зборных:  каманды студэнтаў-праграмістаў з БДУ, Беларускага дзяржаўнага ўніверсітэта інфарматыкі і радыёэлектронікі, Брэсцкага дзяржаўнага ўніверсітэта імя А.С. Пушкіна, Гродзенскага дзяржаўнага універсітэта імя Янкі Купалы, Гомельскага дзяржаўнага універсітэта імя Францыска Скарыны, Беларускага дзяржаўнага тэхналагічнага універсітэта. У спаборніцтвах ўдзельнічаюць таксама студэнты Вільнюскага ўніверсітэта, Латвійскага універсітэта, Універсітэта Тарту, Балтыйскага Федэральнага універсітэта імя Імануіла Канта і іншых.

Асноўны тур спаборніцтваў пройдзе 2 лістапада ў БДУ. Па выніках чвэрцьфінальнага адбору будуць вызначаныя пераможцы. Яны атрымаюць права ўдзельнічаць у паўфінале чэмпіянату ў снежні гэтага года ў Санкт-Пецярбургу. А фінал пройдзе ў красавіку 2018 года ў Пекіне.

У юбілейную праграму чвэрцьфіналу ўключаны два майстар-класы ад прадстаўнікоў ІT-кампаній нашай краіны. Таксама запланаваны круглы стол з удзелам кіраўнікоў вядучых ІТ-кампаній на тэму “Перспектыўныя напрамкі ІТ-адукацыі ў Беларусі ва ўмовах пераходу да пабудовы ІТ-краіны”.

Чэмпіянат свету па праграмаванні сярод студэнтаў з'яўляецца найбуйнейшым міжнародным спаборніцтвам, у якім удзельнічае маладзёжная эліта сусветнага праграмавання. Ён праводзіцца, пачынаючы  з 1977 года міжнароднай арганізацыяй ACM у тры этапы: чвэрцьфінал, паўфінал і фінал.

Беларускія каманды ўдзельнічаюць у чэмпіянаце свету па праграмаванні сярод студэнтаў з 1995 года. За ўсю гісторыю ўдзелу ў чэмпіянаце скарбонку БДУ папоўнілі залаты медаль (у 2004 годзе, Чэхія), “бронза” (2008 год, Канада) і дзве “сярэбраных узнагароды” (у 2012 годзе ў Польшчы і у 2013 годзе ў Расіі).

Надзея НІКАЛАЕВА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.