Вы тут

У Слаўгарадскім раёне адкрыўся ўнікальны музей пад адкрытым небам


У Слаўгарадскім раёне адкрыўся ўнікальны музей пад адкрытым небам — імітацыя бою рускіх са шведамі пры Лясной у 1708 годзе.


На плошчы амаль гектар раскінуліся рэдуты, гарматы, абозы, палаткі, невялічкі храм і нават пластыкавае войска дзвюх армій. Ініцыятыва рэалізавана ў рамках праекта ЕС—ПРААН «Садзейнічанне развіццю на мясцовым узроўні ў Рэспубліцы Беларусь». Яе аўтарамі сталі Лапаціцкі сельсавет і цэнтралізаваная сетка публічных бібліятэк Слаўгарадскага раёна.

— Можна лічыць, што ўдзел у нашай рабоце прымалі некалькі раёнаў, — падзяліўся падрабязнасцямі стварэння музея старшыня Лапаціцкага сельсавета Сцяпан Байцоў. — Мы сваімі сіламі будавалі рэдуты, майстар з Горак зрабіў нам драўляныя гарматы, яшчэ адзін умелец з Краснаполля стварыў старадаўнюю зброю. Атрымалася нядрэнна.

Цікава, што нават твары салдат пластыкавага войска іменныя — яны зроблены з фотаздымкаў жыхароў Слаўгарадскага раёна. Прыём вельмі правільны, бо кожнаму захочацца паказаць сябе ў эпахальным паядынку сябрам і знаёмым. А гэта як мінімум некалькі вельмі чаканых тут турыстаў.

Адкрыццё музея стала пачаткам яшчэ і міжрэгіянальнага фестывалю «Лясная — месца воінскай славы». Сярод ганаровых гасцей на ім прысутнічала галоўны спецыяліст пасольства Расійскай Федэрацыі ў Рэспубліцы Беларусь Яўгенія Субоціна. Перад гасцямі выступілі байцы клуба ваенна-гістарычнай рэканструкцыі «Усходняя застава», а таксама з анімацыйнай праграмай супрацоўнікі ўстаноў культуры Слаўгарадскага раёна.

— Гэты музей — добры прыклад ініцыятыўнага і крэатыўнага падыходу ў развіцці турыстычнага і экскурсійнага патэнцыялу рэгіёна, паляпшэнні інфраструктуры, сацыяльна-эканамічным і культурным жыцці Слаўгарадчыны ў цэлым, — адзначалася на прэзентацыі ініцыятывы.

Нэлі ЗІГУЛЯ

zіgulya@zvіazda.by

Загаловак у газеце: «Адсюль пагражаць мы будзем шведу...»

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.