У Асіповічах напярэдадні юбілею Кастрычніцкай рэвалюцыі прайшла акцыя «100 дрэў у гонар рэвалюцыі». Яе ініцыятар — старшыня Асіповіцкага райсавета дэпутатаў Аляксандр Пузік, які адначасова з'яўляецца членам Камуністычнай партыі Беларусі.
— Мы паслядоўнікі партыі, тэзісы якой — за пабудову моцнай квітнеючай Беларусі. На першым плане ў нас абарона чалавека і яго інтарэсаў. Мы выступаем за сацыяльна арыентаваную дзяржаву, каб у нашай краіне былі створаны ўмовы для ўсебаковага развіцця асобы, — кажа дэпутат.
Заклік асіповіцкіх камуністаў падтрымалі прадстаўнікі аб'яднання «Белая Русь», БРСМ, прафсаюзныя і ветэранскія арганізацыі. Удзел у акцыі па пасадцы дрэў прынялі і мясцовыя жыхары, якія таксама вырашылі ўнесці лепту ў добрую справу.
Нэлі ЗІГУЛЯ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.