Самым элегантным горадам свету з пункту гледжання пытанняў моды і архітэктуры модная анлайн-платформа Zalando назвала Парыж.
Рэйтынг складаўся па дзевяці крытэрыях, якія датычыліся пытанняў моды, транспартнага забеспячэння, чысціні вуліц і архітэктуры. Такім чынам, Парыж узначаліў спіс з 80 самых модных гарадоў у свеце. На другім месцы апынуўся Лондан, а на трэцім — Вена. Што цікава, усе гарады першай дзясяткі, за выключэннем Нью-Ёрка, знаходзяцца ў Еўропе. «Мы ведаем, што элегантнасць нельга купіць. Хутчэй падобная здольнасць датычыцца нечага больш тонкага, што цяжка паддаецца вызначэнню. У той час як тэндэнцыі мяняюцца, праўдзівая элегантнасць ніколі не выходзіць з моды», — пракаментавалі спіс яго стваральнікі. На чацвёртае месца трапіла Венецыя, пятае заняла Фларэнцыя, далей ідуць Барселона, Нью-Ёрк, Бардо, Мілан і Рым. Антылідарам аказаўся Стамбул.
Раней паведамлялася, што эксперты фінансавай карпарацыі прааналізавалі даныя аб замежных гасцях у 132 буйных гарадах свету за мінулы год. У выніку высветлілася, што самым папулярным горадам свету летась стаў Бангкок.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
