Вы тут

Без голасу бізнесу ўваходжанне Беларусі ў СГА праводзіць немагчыма


Членам Сусветнай гандлёвай арганізацыі Беларусь можа стаць ужо праз два гады.

Уваходжанне ў СГА дазволіць нашай краіне ўмацаваць імідж і станоўча паўплывае на інвестыцыйны клімат. Разам з тым узрасце праблема балансавання паміж аховай нацыянальных інтарэсаў і адкрытасцю эканомікі. Удзел айчыннага бізнесу ў перагаворным працэсе па далучэнні да Сусветнай гандлёвай арганізацыі павялічыць шанцы на паспяховае вырашэнне падобных выклікаў. Гэта пытанне абмеркавалі ў Беларускай гандлёва-прамысловай палаце са старшынёй рабочай групы па далучэнні Беларусі да СГА — пастаянным прадстаўніком Турцыі пры СГА Кемалем МАДЭНАГЛУ.


Старшыня Беларускай гандлёва-прамысловай палаты Уладзімір УЛАХОВІЧ звярнуў увагу, што ў нашай краіне, як і ў многіх развітых дзяржавах свету, надаецца вялікае значэнне развіццю сектара малога і сярэдняга бізнесу. «Для ўсіх эканамічных гульцоў далучэнне да СГА з'яўляецца важнай падзеяй. Мы атрымліваем ад гэтага нямала пазітыўных эфектаў, але таксама з'яўляюцца і новыя выклікі. Можна сказаць, што сёння беларускі бізнес усё яшчэ недастаткова актыўна ўключаны ў працэс абмеркавання далучэння краіны да СГА. Гэтая сустрэча — намер прыцягнуць дзелавыя колы, жаданне пачуць іх голас, даведацца ад працоўнай групы па далучэнні аб складанасцях на гэтым шляху», — растлумачыў Уладзімір Улаховіч сэнс сустрэчы.

Старшыня БелГПП лічыць, што пазітыўныя эфекты для бізнесу ў далучэнні Беларусі да СГА будуць істотныя. «На дзяржаўным узроўні пераадольваюцца колькасныя абмежаванні, разглядаюцца антыдэмпінгавыя справы. Усё гэта адбываецца ў рамках СГА. І пытанні пратэкцыянісцкіх мер, якія могуць працаваць у дачыненні да Беларусі, эфектыўна здымаюцца», — прывёў прыклады Уладзімір Улаховіч.

Таксама ён нагадаў, што Беларусь ужо сёння працуе на прынцыпах СГА — у рамках ЕАЭС. «Казахстан, Кыргызстан, Арменія, Расія — члены СГА. Нам трэба гэты працэс фармалізаваць. Бізнес павінен атрымаць прэферэнцыі ў зняцці бар'ераў, але, з іншага боку, ён павінен прыняць гэты выклік і павышаць якасць сваёй прадукцыі і паслуг па канкурэнтнай цане. Гэта будзе іспытам для нашай лёгкай прамысловасці, машынабудавання, сельскай гаспадаркі... Практычна ўсе краіны, якія далучыліся, уводзілі пераходны перыяд і дамаўляліся пра пэўныя інструменты падтрымкі сельскай гаспадаркі. Тое самае будзе датычыцца і бізнесу. На гэтых перагаворах будуць абмяркоўвацца пытанні падтрымкі малога і сярэдняга прадпрымальніцтва. Гэта важны эканамічны гулец, што разумеюць і ва ўрадзе, і на перагаворах, якія праходзяць у рамках СГА. Без голасу бізнесу працэс уваходжання немагчыма праводзіць», — рэзюмаваў Уладзімір Улаховіч.

Кемаль Мадэнаглу паведаміў журналістам, што працэс далучэння Беларусі да СГА ідзе добра. «Гэта адбываецца з улікам высокай увагі Прэзідэнта Аляксандра Лукашэнкі. Усе дзяржаўныя структуры, уключаючы міжведамасную камісію, міністэрствы, працуюць старанна. Вынік будзе відаць у хуткай будучыні ў Жэневе. Калі зацікаўленасць беларускіх структур ва ўступленне ў СГА будзе ўстойлівай, то, магчыма, праз два гады гэта адбудзецца», — лічыць старшыня рабочай групы. Пры гэтым ён падкрэсліў, што члены СГА зацікаўлены ў тым, каб беларускі бок добра разумеў патрабаванні і правілы ўнутры арганізацыі.

Ілья КРЫЖЭВІЧ

krуzhеvісh@zvіаzdа.bу

Загаловак у газеце: Пачуць голас прадпрымальніка

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.