У дні Коласавага юбілею ў Мінску гасцюе дагестанскі выдавец, літаратар Марат Гаджыеў. Мы задалі колькі пытанняў госцю Беларусі.
— Марат, вы ўпершыню ў Беларусі?
— Быў толькі ў сем гадоў, яшчэ за савецкім часам. Пасля яшчэ — праездам... Фактычна ў гэтыя дні здзяйсняецца мая мара: адкрыць для сябе Беларусь. І найперш — Беларусь літаратурную. Рады, што мая мінская паездка адбылася ў дні, калі ваша краіна, ваш народ святкуе 135-годдзе з дня нараджэння народнага песняра Якуба Коласа, якога добра ведаюць і ў Дагестане.
— Мне здаецца, адлегласць ад Мінска, Беларусі да Дагестана, Паўночнага Каўказа ў нас зусім невялікая. Мяркую пра гэта, бо бачу ў беларускім літаратурна-мастацкім друку публікацыі пісьменнікаў з Чачні, Кабардзіна-Балкарыі, пісьменнікаў розных народаў Дагестана...
— І я так думаю, бо відавочным здаецца тое, што нам патрэбна веданне адно пра аднаго. Нашы народы выяўляюць цікавасць да сустрэч, стасункаў. Значыць — і пісьменнікам трэба не адседжвацца ў сваіх кватэрах, а знаходзіць сцежкі-дарожкі для яднання. Што я асабіста і стараюся рабіць — праз выпуск газеты «Горцы», праз арганізацыю многіх сустрэч на кніжнай выстаўцы ў Махачкале «Таркі-Тау». Рады, што на яе прыязджалі паэт Рагнед Малахоўскі, галоўны рэдактар часопіса «Нёман», перакладчык Аляксей Чарота. Спадзяюся на новыя стасункі. Ужо адбылася размова ў Саюзе пісьменнікаў Беларусі. Буду рады, калі мяне ці каго яшчэ з дагестанскіх пісьменнікаў запросяць на выстаўку ў Мінск. Шмат пра яе чуў. Ведаю, што яна мае свой аўтарытэт сярод літаратараў розных рэгіёнаў Расійскай Федэрацыі.
— Як, дарэчы, пляцоўкай для сустрэч з пісьменнікамі Расіі з'яўляецца Дзень беларускага пісьменства, у час якога праводзіцца круглы стол беларускіх і замежных пісьменнікаў з агульнай ідэяй: «Мастацкая літаратура як шлях адзін да аднаго». У апошнія гады ў Беларусь прыязджалі Роберт Мінулін, Рэнат Харыс з Татарстана, Уладзімір Беразеў з Новасібірска, Вячаслаў Ар-Сяргі з Удмурціі, літаратары Масквы — Аляксандр Лівергант, Аляксандр Казінцаў, Яўген Шышкін і шмат хто яшчэ.
— Вось і з Дагестана, мы спадзяваемся на гэта, прыедуць і Міясат Муслімава, і Бадрутдзін Магамедаў, і Муса Ахмадаў... Кожнаму з іх будзе што расказаць чытачам Беларусі. А мы чакаем у Дагестане літаратурную моладзь. Збіраемся праектаваць розныя беларуска-дагестанскія літаратурныя конкурсы. Чакаем перакладчыкаў паэзіі. І верым, што ўсё так і адбудзецца. Мы ўражаны тымі абсягамі дзяржаўнай падтрымкі, якая вылучаецца ў Беларусі на развіццё літаратуры, кнігавыдання. Бачым у гэтым надзвычай станоўчы вопыт.
Гутарыў Сяргей ШЫЧКО
Фота Кастуся ДРОБАВА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!