Вы тут

Футбалісты барысаўскага БАТЭ пацярпелі паражэнне ад нямецкага «Кёльна»


Гэты матч на арэне «Райн Энергі Штадыён» сабраў 45 000 гледачоў і стаў вельмі яркім і багатым на галы. Пасля прапушчанага на 16-й хвіліне мяча БАТЭ паказала вельмі добрую гульню, футбалісты не проста два разы трапілі ў вароты саперніка, а зрабілі гэта прыгожа. На 31-й хвіліне вызначыўся Неманья Мілунавіч, а праз дзве хвіліны Мікалай Сігневіч эфектным ударам другі раз засмуціў Ціма Хорна — 2:1. Пасля перапынку гаспадары паскорылі тэмп і яшчэ чатыры разы паразілі вароты Дзяніса Шчарбіцкага. Галявы дубль аформіў японскі легіянер Юя Асака, па разе вызначыліся Серу Гірасі і Мілаш Ёіч. Лік сустрэчы 5:2 на карысць гаспадароў.


— Каб разлічваць на нешта ў супрацьстаянні з такім сапернікам, вядома ж, нельга дапускаць столькі памылак і настолькі дрэнна гуляць у абароне, — адзначыў галоўны трэнер БАТЭ Аляксандр Ермаковіч. — Безумоўна, першы тайм складваўся нядрэнна. Мы забілі два мячы, гаспадары сталі атакаваць, мы атрымалі прастору. Але, замест таго каб гэтым скарыстацца, наадварот, прапусцілі. Не ведаю, што можа надламаць каманду, калі яна забівае двойчы, наадварот, хлопцы павінны былі адчуваць упэўненасць.

Сітуацыя ў нас цяпер няпростая, але мы павінны з яе выходзіць. Сіла каманды праяўляецца менавіта ў такіх момантах, калі цяжка, а не тады, калі ты ідзеш з вялікім адрывам у чэмпіянаце і ўсё атрымліваецца.

Лідар квартэта Н лонданскі «Арсенал» прымаў у сябе дома бялградскую «Црвену Звезду» і завяршыў гульню ўнічыю — 0:0. Тым не менш каманда Арсена Венгера ўжо забяспечыла сабе выхад у 1/16 фіналу.

Становішча камандаў пасля чатырох тураў: «Арсенал» — 10 ачкоў (розніца мячоў — 8—3), «Црвена Звезда» — 5 (2—2), БАТЭ — 4 (6—10), «Кёльн» — 3 (6—7).

У наступным туры 23 лістапада БАТЭ прыме на полі «Барысаў-Арэны» «Црвену Звезду», футбалісты «Арсенала» згуляюць у гасцях у «Кёльна».

Акрамя «Арсенала», пасля матчаў 4-га тура пуцёўкі ў плэй-оф заваявалі яшчэ 4 клубы. Кіеўскае «Дынама», якое трэніруе беларускі спецыяліст Аляксандр Хацкевіч, «Зеніт» з Санкт-Пецярбурга, бухарэсцкая «Сцяўа» і рымскі «Лацыа». Нагадаем, у 1/16 фіналу трапляюць па дзве найлепшыя каманды з 12 груп Лігі Еўропы, а таксама 8 клубаў, якія фінішуюць на трэціх месцах у групах Лігі чэмпіёнаў.

Дар'я ЛАБАЖЭВІЧ

lobazhevich@zviazda.by

Загаловак у газеце: Сіла каманды выяўляецца, калі цяжка

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.