Сапраўды восеньскае надвор'е чакаецца ў нас на гэтым тыдні. Дажджы будуць чаргавацца з туманамі, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Невялікія дажджы прагназуюцца ў асобных раёнах Беларусі ў сераду. Сёння ўдзень будзе воблачна з праясненнямі. Месцамі чакаецца туман. Вецер прагназуецца слабы. Тэмпература паветра ў другой палове дня будзе 3—8 цяпла.
У чацвер дажджлівае надвор'е будзе паступаць у Беларусь з заходняй палавіны краіны. Тут працяглыя дажджы і плюс 6 — плюс 8 градусаў. А ў цэнтральным рэгіёне ў чацвер без дажджоў і толькі плюс 1 — плюс 3 градусы. Уначы на чацвер будзе ўвогуле холадна, тэмпература паветра амаль паўсюдна складзе ад нуля да двух градусаў цяпла. У пятніцу ізноў невялікі дождж. Пацяплее. Тэмпература паветра ўначы ад плюс 2 да плюс 4 градусаў, а ўдзень — 4—7 цяпла.
Сяргей КУРКАЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
