Вы тут

1-ыя газеты БДУ трапілі ў фонд Фундаментальнай бібліятэкі ўніверсітэта


Першыя газеты БДУ трапілі ў фонд Фундаментальнай бібліятэкі ўніверсітэта. Калекцыя лічбавых копій выданняў 1920—1930 гадоў была перададзена Расійскай нацыянальнай бібліятэкай (Санкт-Пецярбург) і размешчана ў Электроннай бібліятэцы БДУ.


Арыгіналы газет 20—30-х гадоў мінулага стагоддзя былі згублены падчас Вялікай Айчыннай вайны. Адзінкавыя экзэмпляры захаваліся толькі ў бібліятэцы Санкт-Пецярбурга. Была праведзена вялікая работа па іх пошуку і дасягненні дамоўленасцяў па алічбоўцы і перадачы копій у БДУ. Усяго фонд універсітэта папоўніўся копіямі 81 газеты. У іх ліку нумары першых перыядычных выданняў універсітэта «Голас студэнта» (1920 год) і «Голас рабфакаўца» (1920 — пачатак 1930 гадоў). Аснову калекцыі складаюць экзэмпляры першай агульнаўніверсітэцкай шматтыражнай газеты «Ленінскі шлях», якая выйшла 27 лістапада 1929 года, а таксама газеты «За ленінскія кадры». Гэта тыя выданні, паслядоўнікам якіх стала выданне БДУ «Універсітэт».

Сярод публікацый у першых нумарах газет БДУ ёсць зварот першага рэктара ВНУ Уладзіміра Пічэты, верш вядомага беларускага празаіка, крытыка і драматурга Адама Бабарэкі і малавядомы даследчыкам фельетон Кузьмы Чорнага «Адстаючыя і перадавыя». Таксама ў газетах можна прачытаць звесткі аб адкрыцці новых вучэбных карпусоў, інтэрнатаў, аб рабоце факультэтаў, кафедраў, лабараторый, бібліятэкі, музеяў, гурткоў, секцый і іншае.

Візуальна дапоўняць гісторыю ўніверсітэта 1920—1930 гадоў унікальныя фатаграфіі: партрэты выкладчыкаў і студэнтаў, рэпартажныя здымкі з заняткаў, універсітэцкіх мерапрыемстваў, а таксама здымкі ўніверсітэцкіх памяшканняў і будынкаў мінулых гадоў.

Даведка. Газета БДУ «Універсітэт» з'яўляецца адным з найстарэйшых перыядычных выданняў Беларусі. Выдаецца з 1929 года, за сваю гісторыю неаднойчы пераймяноўвалася. У 2009 годзе выданне стала пераможцам V Нацыянальнага конкурсу друкаваных сродкаў масавай інфармацыі «Залатая Літара» ў намінацыі «Найлепшая шматтыражная газета». Цяпер тыраж «Універсітэта» складае тысячу экзэмпляраў. Распаўсюджваецца газета ў комплексе БДУ. Выдаецца раз на два тыдні на беларускай мове. У год выходзіць 20 нумароў, два спецвыпускі для абітурыентаў, два-тры тэматычныя спецвыпускі і дадаткі.

Сяргей РАСОЛЬКА

rs@zviazda.by

Загаловак у газеце: Пачуць «Голас студэнта» з мінулага

Выбар рэдакцыі

Грамадства

Без памылак нельга рухацца наперад, або Чаму попыт i прапанова пакуль не заўсёды супадаюць

Без памылак нельга рухацца наперад, або Чаму попыт i прапанова пакуль не заўсёды супадаюць

Давайце разам прыгадаем свае першыя крокi ў школе. Што кажа дзецям настаўнiк?

Спорт

Кiнуць выклiк лёсу. Чым жыве паралiмпiйскi спорт у Беларусi

Кiнуць выклiк лёсу. Чым жыве паралiмпiйскi спорт у Беларусi

Як беларусы рыхтуюцца да галоўных стартаў i як развiваецца паралiмпiйскi рух.

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў.