Практычны вопыт работы ў сферы прыродаахоўнай дзейнасці набылі маладыя следчыя з Магілёўскай вобласці, якія сабраліся на вучэннях у Чавускім раёне.
Сваімі навыкамі з імі падзяліліся супрацоўнікі абласной інспекцыі аховы жывёльнага і расліннага свету. Дзяржінспектары арганізавалі вучэбны пункт, які па легендзе з'яўляўся месцам незаконнага палявання.
Следчым-пачаткоўцам расказалі, якія доказы могуць быць выяўлены ў справе аб нелегальнай здабычы звера, як распазнаць мяса дзічыны і якім чынам падазраваныя спрабуюць схаваць сваю датычнасць да браканьерства. Пад кіраўніцтвам дзяржінспектараў маладыя работнікі следчых органаў правялі агляд месца незаконнага «палявання» і транспартнага сродку затрыманых «парушальнікаў». Гэтыя веды, замацаваныя на практыцы, дапамогуць работнікам-пачаткоўцам Следчага камітэта быць падрыхтаванымі пры расследаванні фактаў браканьерства.
Гэта ўжо не першы падобны вопыт супрацоўніцтва паміж Следчым камітэтам і Дзяржінспекцыяй аховы жывёльнага і расліннага свету. Напрыклад, летам работнікі Гомельскай аблінспекцыі прымалі ўдзел у вучэбным зборы, арганізаваным абласным следчым упраўленнем для супрацоўнікаў са стажам менш за два гады. Тады адным з пунктаў стажыроўкі для іх стаў умоўны выезд на месца незаконнага рыбалоўства. На беразе Сожа дзяржінспектары правялі «затрыманне» браканьераў, якія на маторнай лодцы займаліся здабычай рыбы пры дапамозе сетак. Прадэманстравалі следчым і іншыя забароненыя прылады лоўлі, расказалі, як падлічваецца нанесеная прыродзе шкода, што адбываецца з канфіскаваным уловам. Неад'емнай часткай навучання сталі і прыклады з практыкі дзяржінспектараў.
Сяргей РАСОЛЬКА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
