26 Верасень, серада

Вы тут

Завяршыўся заключны этап алімпіяды школьнікаў Саюзнай дзяржавы


У Мінску завяршыўся заключны этап алімпіяды школьнікаў Саюзнай дзяржавы «Расія і Беларусь: гістарычнае і духоўнае адзінства». Па суме набраных балаў у камандным заліку пераможцам стала зборная беларускай сталіцы, другое каманднае месца падзялілі каманды Яраслаўскай вобласці і Ліцэя БДУ, трэцяе месца — каманды Віцебскай, Магілёўскай і Мінскай абласцей. Спецыяльны прыз аргкамітэта атрымала навучэнка гімназіі-каледжа мастацтваў Маладзечна Ксенія Шымановіч.


Абсалютным жа пераможцам алімпіяды школьнікаў Саюзнай дзяржавы стаў расіянін — вучань сярэдняй агульнаадукацыйнай школы №37 з паглыбленым вывучэннем асобных прадметаў горада Выбарга Ленінградскай вобласці Дзяніс Пісарэнка. Яму дастаўся спецыяльны дыплом і прыз Пастаяннага камітэта Саюзнай дзяржавы.

У заключным этапе алімпіяды ўзялі ўдзел 186 навучэнцаў 10—11-х класаў з Беларусі і Расіі. Яго праграма прадугледжвала правядзенне двух абавязковых тураў (комплексную работу па рускай мове і літаратуры і напісанне сачынення) плюс творчы конкурс рытарычнага майстэрства і знаўцаў.

Паклапаціліся арганізатары і пра культурную праграму: старшакласнікі наведалі музей Вялікай Айчыннай вайны, Палац Незалежнасці, Нацыянальны мастацкі музей, Нацыянальны гісторыка-культурны музей-запаведнік «Нясвіж». Сталі ўдзельнікамі тэматычных канцэртных праграм, вечароў дружбы, сустрэч з вядомымі пісьменнікамі. Разам з членамі журы прадстаўнікі камандаў пасадзілі алею Дружбы.

Надзея НІКАЛАЕВА

nіkаlаеvа@zvіаzdа.bу

Загаловак у газеце: Разумнікі і разумніцы вызначылі найлепшых

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.