26 Верасень, серада

Вы тут

Партугалія вернецца на дзіцячае «Еўрабачанне»


Крыху больш чым праз два тыдні ў сталіцы Грузіі пачнецца 15-ы па ліку Міжнародны дзіцячы конкурс песні «Еўрабачанне-2017». Удзел у ім бяруць сёлета 16 краін, у тым ліку Партугалія, якая вяртаецца на форум пасля дзевяці гадоў адсутнасці.


Прадстаўніца Беларусі Хелена Мерааі, як і іншыя ўдзельнікі, працягвае актыўна рыхтавацца да конкурсу — рэпеціраваць нумар і песню, удасканальваць англійскую мову, а таксама ўдзельнічаць у прома-канцэртах. Дарэчы, ужо на наступным тыдні, 14 лістапада, дзяўчына ў складзе вялікай творчай зборнай нашых артыстаў і музычных калектываў выступіць у Тбілісі ў праграме Дня беларускай культуры ў Грузіі. Крыху пазней у грузінскую сталіцу прыбудзе афіцыйная дэлегацыя на чале з намеснікам старшыні Белтэлерадыёкампаніі Іванам Эйсмантам, каб падрыхтаваць сцэнічны нумар беларускай канкурсанткі і яе ўдзел ва ўсіх мерапрыемствах «Еўрабачання». Па традыцыі, наша каманда павязе з сабой прома-пакет, у які ўваходзяць буклеты, дыскі, маляўнічыя паштоўкі і постары, а таксама адмысловы пазл і каляндар.

20 лістапада цырымонія адкрыцця дасць старт дзіцячаму «Еўрабачанню-2017», а таксама пройдзе жараб'ёўка ўдзельнікаў. Фінальны гала-канцэрт, нагадаем, адбудзецца 26 лістапада на сцэне Алімпійскага палаца ў Тбілісі.


Тым часам

Удзел у «Еўрабачанні-2018», якое налета пройдзе ў Партугаліі, афіцыйна пацвердзілі 42 краіны. Тэлеканал-арганізатар загадзя прадставіў асноўны лагатып будучага шоу (марская ракавінка) і яго слоган — «Аll Аbоаrd!» («Усе на борт!»). А ўжо ў канцы лістапада ў продаж трапіць першая партыя білетаў на канцэрты «Еўрабачання».

Вікторыя ЦЕЛЯШУК

tselyashuk@zviazda.by

Фота еurоvіsіоn.tv

Загаловак у газеце: На крылах песні

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.