Напярэдадні Міжнароднага дня студэнта тэлеканал «Беларусь 3» сумесна з Акадэміяй мастацтваў і Нацыянальнай кінастудыяй «Беларусьфільм» падрыхтаваў для сваіх гледачоў адмысловы падарунак. Пачынаючы з сённяшняга дня, увечары кожнай пятніцы канал будзе паказваць студэнцкія фільмы беларускіх рэжысёраў, знятыя за ўвесь час існавання кінарэжысёрскага курса ў айчыннай мастацкай акадэміі.
А папярэдне праграма «Час кіно» і яе вядучы — акцёр, сцэнарыст, рэжысёр, прафесар кафедры рэжысуры кіно і тэлебачання БДАМ Павел Іваноў — пазнаёміць гледачоў са студэнцкімі фільмамі і раскажа, як далей склаўся лёс іх стваральнікаў. Некаторыя з выпускнікоў — вучняў як вядомых кінамайстроў Віктара Турава, Міхаіла Пташука, Аляксандра Яфрэмава, Маргарыты Касымавай, так і новага пакалення педагогаў — таксама стануць героямі праграмы і прадставяць сваю работу альбо фільмы сваіх сакурснікаў. Так, ужо сёння госцяй дэбютнага выпуску стане выпускніца курса майстэрні Віктара Турава і Аляксандра Яфрэмава рэжысёр Ірына Волах са сваімі работамі «Шукальнікі скарбаў» і «Рандэву».
Вікторыя ЗАХАРАВА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
