Вы тут

Якія серыялы беларусы глядзяць анлайн


А глядзяць яны даволі актыўна «Гульню тронаў», «Сапрана» і «Анатомію страсці». Рэйтынг самых папулярных серыялаў склаў вядомы мабільны аператар на аснове аналізу актыўнасці гледачоў свайго лічбавага ТБ.


Беларускія аматары кіно на гаджэтах аддаюць перавагу ў асноўным амерыканскім серыялам — гэта пацвярджае статыстыка анлайн-кінатэатра Аmеdіаtеkа. Першае месца з вялікім адрывам займае «Гульня тронаў», перадапошні сезон якой выйшаў летам, другое — за серыялам «Сапрана», а трэцяя пазіцыя дасталася камедыйнаму сіткому «Сіліконавая даліна». Таксама ў спіс самых папулярных трапіла «Амерыканская гісторыя жахаў». Шмат гледачоў у серыяла «Малады Папа» — смелай фантазіі-гратэску італьянскага рэжысёра Паола Сарэнціна аб выдуманай постаці першага амерыканца на чале Ватыкана. Папулярны ў беларускіх гледачоў серыял «Вялікая маленькая хлусня» — дэбют у вытворчасці серыялаў мега-зорак Ніколь Кідман і Рыз Уізерспун прынёс сёлета фільму ўзнагароды адразу ў пяці важных намінацыях прэміі «Эмі».

Што цікава, серыялы больш даспадобы мужчынам (55% аўдыторыі), чым жанчынам (45%). Па звестках аператара, узрост гледачоў — ад 25 да 40 гадоў, жывуць яны ў Мінску ці абласных цэнтрах. Серыялы ўключаюць у раёне 19 гадзін, а пік праглядаў прыпадае на прамежак паміж 21 і 23 гадзінамі. Дарэчы, такая ж тэндэнцыя прасочваецца і ў іншых краінах. Больш за 80% карыстальнікаў анлайн-ТБ глядзяць серыялы на смартфонах і планшэтах, яшчэ 15% — запускаюць іх на ноўтбуках і дэсктопах, а тыя, што засталіся 5% выводзяць кантэнт на тэлевізары.

Трохі іншыя перавагі — у карыстальнікаў фіксаванага інтэрнэту. Часцей за ўсё на відэапартале ІРTV «Атлант Тэлекам» глядзяць серыял «Анатомія страсці», на другім месцы яшчэ адзін серыял пра шпіталі — «Клініка», замыкае тройку культавы навукова-фантастычны «Доктар Хто». Таксама беларусам падабаюцца «Дэкстэр», «Горад драпежніц», «Турэцкая мова для пачаткоўцаў», «Звышнатуральнае».

Дадаць каментар

Выбар рэдакцыі

Грамадства

Як на школьных уроках вучаць арыентавацца ў медыясвеце?

Як на школьных уроках вучаць арыентавацца ў медыясвеце?

Сваім вопытам дзеляцца чэшскія спецыялісты.

Эканоміка

Цэны на жыллё палезлі ўгору?

Цэны на жыллё палезлі ўгору?

Праўда, эксперты кажуць, што гэта ілюзія.

Грамадства

Студэнцкая сям'я — пра жыццё ў інтэрнаце, агульны бюджэт і будучыню

Студэнцкая сям'я — пра жыццё ў інтэрнаце, агульны бюджэт і будучыню

Студэнцкая сям'я Бабак расказала, як яны дзеляць дамашнія абавязкі, дзе збіраюцца падпрацоўваць і хто першы ідзе мірыцца.

Грамадства

Піратэхнічны выраб — гэта фактычна тое ж выбуховае рэчыва

Піратэхнічны выраб — гэта фактычна тое ж выбуховае рэчыва

«Звязда» пагутарыла з афіцыйным прадстаўніком МНС Віталем НАВІЦКІМ.