Вы тут

Міжнародны валютны фонд палепшыў прагноз па росце беларускай эканомікі


Пра гэта заявіў кіраўнік місіі МВФ па Беларусі Пітэр Долман па выніках работы місіі ў рамках кансультацый. Кіраўнік місіі адзначыў, што вядуцца прадукцыйныя дыскусіі з уладамі, прыватным сектарам. Пітэр Долман выклаў асноўныя вывады і рэкамендацыі па выніках місіі.


«Мы мяркуем, што эканамічны рост дасягне ў 2017 годзе ў Беларусі 1,7% і застанецца ў сярэднетэрміновай перспектыве каля 2%, калі ўрад не распачне дадатковых намаганняў. Аднаўленне росту ў значнай ступені тлумачыцца паляпшэннем знешніх умоў, але таксама намаганнямі ўрада па стабілізацыі, распачатымі на працягу апошніх двух з паловай гадоў», — расказаў Долман. Раней МВФ прагназаваў рост ВУП Беларусі па выніках 2017 года на ўзроўні 0,7%. Пітэр Долман растлумачыў, што мае на ўвазе, у прыватнасці, рэкордна нізкую інфляцыю, але адзначыў значныя рызыкі, звязаныя з наступствамі трох макраэканамічных крызісаў. У МВФ лічаць, што палітыка сацыяльнага адзінства, якая праводзіцца ўладамі, забяспечыла высокую занятасць і роўнасць. Пры гэтым існуюць абмежаванні развіцця для прыватнага сектара.

«Ураду давялося прыняць шэраг няпростых рашэнняў, уключаючы ўзмацненне жорсткасці грашова-крэдытнай і бюджэтна-падатковай палітыкі і далейшую лібералізацыю цэн. У выніку гэтага сёння мы зноў назіраем рост спажывання і інвестыцый, абменны курс стабілізаваўся, а ўзровень інфляцыі апусціўся да гістарычна мінімальных велічынь», — сказаў кіраўнік місіі МВФ па Беларусі.

Фонд рэкамендуе беларускаму ўраду звярнуць увагу на тры прыярытэтныя моманты. Рэкамендавана працягваць рэалізоўваць эканамічную палітыку, арыентаваную на макраэканамічную стабільнасць і стабільнасць фінансавага сектара, рэалізоўваць паглыбленыя рэформы ў сектары дзяржаўных прадпрыемстваў больш хуткімі тэмпамі, а таксама стварыць умовы для прыватнага сектара, каб ён мог іграць больш значную ролю, выступаючы рухальнай сілай эканамічнага росту. І трэцяе — важна забяспечыць значную падтрымку тым, хто найбольш уразлівы пры пераходзе на больш рынкавыя рэйкі, — павялічыць дапамогі па беспрацоўі і прыняць іншыя меры падтрымкі.

Кіраўнік місіі звярнуў увагу, што Беларусі варта скарыстацца больш спрыяльнымі знешнімі ўмовамі і аднаўленнем эканомікі, каб закласці больш надзейныя асновы для эканамічнага росту. «Персанал МВФ лічыць, што пры правядзенні больш надзейнай эканамічнай палітыкі і паскарэнні рэформаў эканамічны рост можа ў сярэднетэрміновай перспектыве павысіцца да 4%», — сказаў Пітэр Долман.

Сяргей КУРКАЧ

kurkасh@zvіаzdа.bу

Загаловак у газеце: Плюс 1,7%

Дадаць каментар

Выбар рэдакцыі

Грамадства

Прэзідэнт добраўпарадкаваў Трафімаву крыніцу на Шклоўшчыне

Прэзідэнт добраўпарадкаваў Трафімаву крыніцу на Шклоўшчыне

Трафімава крыніца была адноўлена некалькі гадоў таму па даручэнні Прэзідэнта.

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Кіраўнікі дзяржорганаў будуць працаваць на суботніку на сваёй малой радзіме.

Грамадства

Мінфін устанавіў парадак пералічэння заробленых на суботніку сродкаў

Мінфін устанавіў парадак пералічэння заробленых на суботніку сродкаў

Пастанова апублікавана на Нацыянальным прававым інтэрнэт-партале.

Грамадства

Хобі звычайнага студэнта пераўтварылася ў інтэрактыўны музей

Хобі звычайнага студэнта пераўтварылася ў інтэрактыўны музей

Ці ведаеце вы, што першы ў свеце ноўтбук важыў больш за 20 кілаграмаў, а першы планшэт меў дыскавод для пяціцалёвых дыскет?