Вы тут

Іван Рудовіч тры гады таму пераехаў з Мінска ў вёску Волма


Пераехаць у горад ці застацца ў вёсцы? Сучасная сельская моладзь над гэтым пытаннем доўга не разважае: яна — у сваёй большасці — з'язджае. Вяртаюцца толькі адзінкі.


Іван Рудовіч тры гады таму пераехаў з Мінска, дзе не адзін год пражыў, у вёску Волма, што ў Дзяржынскім раёне.

...Гусі, куры, індыкі, качкі, свінні, трусы і авечкі — вось колькі рознай жыўнасці ў яго на падворку. Але ж тых, хто сюды заходзіць, найперш вітае велічная прыгажуня — усходнееўрапейская аўчарка Нора, а ў хаце сустракаюць ласкавыя кошкі і кот.

— Мне падабаецца сам працэс гадавання свойскай жывёлы, птушкі, — заўважае Іван. — Да таго ж сёння ў цане натуральныя, экалагічна чыстыя прадукты. Я не толькі для сябе стараюся...

Бацькі Івана расказваюць, што да сялянскай працы іх сын цягнуўся змалку: дапамагаў па гаспадарцы і ім, і бабулі, чытаў часопісы «Хозяин», «Приусадебное хозяйство», а калі ў малога пыталіся, што яму падарыць на дзень нараджэння, зусім сур'ёзна адказваў: «Пару гусей».

Да іх у Івана асаблівае стаўленне. Гэтыя птушкі, як лічыць гаспадар, самыя разумныя. Яны па голасе пазнаюць сваіх, не горай, чым сабака, ахоўваюць дом: варта, напрыклад, некаму чужому ступіць на падворак — гусі адразу ж папярэдзяць. А вось куры — самыя вялікія шкоднікі...

Зрэшты, будні Івана не абмяжоўваюцца толькі гаспадаркай: ён працуе рабочым у Валмянскай базавай школе, а падчас ацяпляльнага сезона — яшчэ і ў мясцовай участковай бальніцы. На пытанне, ці не сумуе часам па «агнях вялікага горада», прызнаецца, што ніколі не любіў месцаў, дзе збіраецца шмат людзей, і што свабода ды чыстае паветра для яго даражэйшыя, чым сталічны камфорт.

Ірына Матусевіч

Дзяржынскі раён

Загаловак у газеце: Усё пачалося з... гусей

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.