23 студзеня, аўторак

Вы тут

У Беларусь прыбыла румынская дэлегацыя


Эканоміка, заканадаўства, міжкультурныя сувязі — кола пытанняў, якое спікеры абедзвюх палат беларускага парламента абмеркавалі падчас сустрэчы з міністрам замежных спраў Румыніі Тэадорам-Віарэлам Мелешкану, аказалася самым шырокім. Так, старшыня Савета Рэспублікі Нацыянальнага сходу Беларусі Міхаіл МЯСНІКОВІЧ прапанаваў больш актыўна працаваць у сферы інвестыцый.


Адно з ключавых пытанняў, на якое ён звярнуў увагу, — пашырэнне дагаворна-прававой базы. Ужо працуе 12 міждзяржаўных, міжурадавых дамоваў і каля 40 пагадненняў другога ўзроўню. Цяпер на разглядзе румынскага боку знаходзіцца шэсць дакументаў, адзін з якіх — пратакол да пагаднення аб узаемнай абароне інвестыцый. «Калі мы гаворым аб маштабным супрацоўніцтве, то, у першую чаргу, гэта інвестыцыі, а гэты дакумент якраз вельмі патрэбны для садзейнічання павелічэнню маштабаў інвестыцыйнай дзейнасці і забеспячэння прававой абароны інвестыцый», — лічыць беларускі парламентарый.

Таксама ёсць і іншыя сумесныя дакументы, якія пакуль не разгледжаны, у галінах вышэйшай адукацыі, турызму, папярэджання надзвычайных сітуацый, культуры, мытнага супрацоўніцтва. Міхаіл Мясніковіч адзначыў, што ўнутрыдзяржаўныя працэдуры па іх пажадана завяршыць у хуткім часе. Міхаіл Мясніковіч нагадаў, што 28 лістапада ў беларускай сталіцы будзе праходзіць пасяджэнне Парламенцкай асамблеі Цэнтральна-Еўрапейскай ініцыятывы, і запрасіў абодвух спікераў румынскага парламента ўзяць у ім удзел.

Уладзімір АНДРЭЙЧАНКА, старшыня Палаты прадстаўнікоў Нацыянальнага сходу Беларусі, адзначыў станоўчую дынаміку ў развіцці беларуска-румынскіх узаемаадносін і актывізацыі ўзаемных кантактаў. На яго думку, за чвэрць стагоддзя дыпламатычных адносін было зроблена нямала: дзякуючы гэтаму паміж нашымі краінамі створаны фундамент у пытаннях палітычных, эканамічных, міжкультурных. Развіццю адносін найлепшым чынам могуць паспрыяць групы дружбы Беларусі і Румыніі.

* * *

«Беларусь можа стаць для Румыніі плацдармам для ўваходу на рынак Еўразійскага эканамічнага саюза. Для гэтага ў нас ёсць неабходная лагістычная і прамысловая інфраструктура, кваліфікаваны персанал», — такую думку падчас сустрэчы з замежным госцем выказаў Андрэй КАБЯКОЎ, прэм'ер-міністр Беларусі.

Кіраўнік беларускага ўрада адзначыў цікавасць бакоў да стварэння ў Беларусі сумесных вытворчасцяў аўтакампанентаў, мэблі, адзення, тэкстылю, будаўнічых матэрыялаў, сельгаспрадукцыі, рэалізацыі праектаў у сферы ІT і медыцыны. Сумесныя зборачныя вытворчасці могуць быць створаны і на тэрыторыі Румыніі з наступным прасоўваннем сумеснай прадукцыі на рынкі трэціх краін. Досвед работы ў гэтым кірунку ўжо ёсць: на базе румынскага завода Іrum у павеце Мурэш працуе ліцэнзійная зборачная вытворчасць трактароў.

Тэадор-Віарэл Мелешкану таксама правёў сустрэчу і са сваім калегам — міністрам замежных спраў Беларусі Уладзімірам МАКЕЕМ.

Вераніка ПУСТАВІТ

рustаvіt@zvіаzdа.bу

Загаловак у газеце: Трывалы фундамент для плённай работы

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.