26 Верасень, серада

Вы тут

Раім схадзіць


Лекцыі па літаратуры, кінаклуб, канцэрт «Ад барока да ХХI стагоддзя», музей-фабрыка ёлачных цацак і выстава «Робаты і трансформеры» – афіша «Звязды» з 13 па 19 лістапада.


Лекцыі Bookster з МТС

Фота: foodmatters.com

Дзе: пляцоўка Event Space (вул. Кастрычніцкая, 16а)

Калі: 13 лістапада, 19:00

Колькі каштуе: 7 р.

Са знакамітымі творамі вас пазнаёмяць прафесійныя выкладчыкі і аматары літаратуры. У межах курса аб'ядналіся розныя погляды і манера выкладання, таму кожны знойдзе лекцыі на свой густ.

Заняткі праходзяць у фармаце кніжнага клуба: 45 хвілін вы слухаеце лектара, а затым вас запрашаюць абмеркаваць твор.

13 лістапада вас чакае выкладчык літаратуры Уладзімір Капцаў з лекцыяй пра твор Уладзіміра Набокава "Лаліта".


Польскі кінаклуб

Дзе: Беларуская дзяржаўная акадэмія мастацтваў (вул. Сурганава, 14а)

Калі: 15 лістапада, 19:00

Колькі каштуе: бясплатна

15 лістапада вас чакаюць найлепшыя кароткаметражныя фільмы Лодзінскай кінашколы, паказаныя ў Канах. 

«Ману і капуста» рэж. А. Пазнякоў, «Замарожаныя гісторыі» рэж. Г. Ярашук, «Я добры» рэж. Т. Пракэш, «Кавун» рэж. Т. Котэцішвілі, «Балодзкі Самсон» рэж. М. Пашэўска, «Прытулізатар» рэж. Т. Албжукоўскі.


Канцэрт «Ад барока да ХХI стагоддзя»

Дзе: КЗ «Верхні горад» (пл. Свабоды, 23а)

Калі: 17 лістапада, 19:00

Колькі каштуе: ад 10 р.

У гэты вечар у выкананні камернага аркестра SOUNDS FLIGHT прагучыць адзін з самых знакамітых твораў І.С. Баха «Канцэрт для клавіра з аркестрам соль мінор», «Шчэдрык» і «Полька Евы» знакамітага амерыканскага кампазітара, выхадца з Беларусі Яўгена Магаліфа. Таксама гледачы змогуць пачуць творы заслужанага дзеяча мастацтваў Рэспублікі Беларусь, прафесара В.А. Войціка «Абуджэнне», «Імя на пяску прыбоя», Дывертысмент і «Гадзіннік вечнасці», напісаныя яго вучнем, Лаўрэатам Міжнародных конкурсаў, стыпендыятам Прэзідэнцкага фонду Андрэем Якушавым.

Упрыгожаць музычны вечар і творы класічнай музыкі В.А. Моцарта, Г. Гершвіна, Т. Альбіноні і інш, а таксама саўндтрэкі з вядомых кінафільмаў («Спіс Шындлера», «Жорсткія гульні», «Пах жанчыны» і інш.).


Музей-фабрыка ёлачных цацак

Фота: byaki.net

Дзе: ГЗЦ Galleria Minsk (пр-т Пераможцаў, 9)

Калі: да 15 студзеня, 10:00-22:00

Колькі каштуе: 7 р., дзеці – 5 р.

Экспазіцыя музея, кошт якой ацэньваецца ў 800 тысяч долараў, у гэтым годзе папоўнілася філіялам мінскай фабрыкі ёлачных цацак «Грай». Такога вы яшчэ не бачылі: майстры будуць распісваць, рэзаць, ляпіць і рыхтавацца да святаў прама на вачах у наведвальнікаў музея-фабрыкі. Тут жа можна будзе набыць упрыгажэнні ручной працы: у кошт квітка ўключана зніжка на куплю ў краме музея-фабрыкі.

Кожны наведвальнік інтэрактыўнага музея пройдзе шлях даўжынёй у 500 метраў, пазнаёміцца ​​з 1000 артэфактамі. Многія з экспанатаў інтэрактыўныя. Гэта значыць, удзельнічаць, гуляць, чапаць, фатаграфаваць можна і трэба.


Выстава «Робаты і трансформеры»

Дзе: ГЗЦ Galleria Minsk (пр-т Пераможцаў, 9)

Калі: да 15 студзеня, 10:00-22:00

Колькі каштуе: 11 р., дзеці – 9 р.

На выставе вас чакаюць 26 робатаў, ад самага высокага (4.5 метра) да метровых малых, трансформеры, дэсэпціконы, Атам з жывой сталі, робат з Ціхаакіянскай мяжы, баксёры і робаты, якіх можна і трэба гладзіць.


Выстава «Лісты з Венецыі»

Фота: elf-design.by

Дзе: галерэя TUT.BY (пр-т Дзяржынскага, 57)

Калі: па 20 лістапада, пан.-пят.: 9:00-18:00

Колькі каштуе: бясплатна

«Лісты з Венецыі» – гэта прызнанне ў любові Італіі і Венецыі на мове каліграфіі, напісанае Аляксандрай Стальмашонак, і на мове фатаграфіі, створанае Аляксандрай Заруцкой.

Дзевяць каліграфічных гісторый, дзевяць фота нацюрмортаў уяўляюць сабой творчую інтэрпрэтацыю вобразаў горада, убачанага скрозь прызму жыцця знакамітых людзей, пісьменнікаў, паэтаў і мастакоў: Карла Гальдоні, Уільяма Цёрнэра, Джорджа Байрана, Клода Манэ, Антона Чэхава і іншых.


Выстава «Моднае стагоддзе»

Дзе: Нацыянальны гістарычны музей (вул. К. Маркса, 12)

Калі: па 10 студзеня 2018 г., 11:00-19:00

Колькі каштуе: 8 р., школьнікі - 6 р., дзеці да 6 гадоў і ветэраны ВАВ − бясплатна

На выставе прадстаўлены гістарычныя касцюмы з найбуйнейшай у свеце прыватнай калекцыі Аляксандра Васільева − вядомага гісторыка моды, мастацтвазнаўцы, калекцыянера, тэатральнага мастака, аўтара кніг і артыкулаў па дадзенай тэматыцы, тэлевядучага праграмы «Модны прысуд».

Экспазіцыя адзення і аксесуараў, якая ахоплівае перыяд канца 19-га і ўсё 20-е стагоддзе, складаецца з больш за 100 неверагодных касцюмаў і некалькіх соцень розных аксесуараў, ювелірных вырабаў і майстэрскай біжутэрыі.

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.