23 студзеня, аўторак

Вы тут

Беларускія тэнісісткі саступілі ў фінале Кубка Федэрацыі камандзе ЗША


Тэнісісткі зборнай ЗША 18-ы раз сталі ўладальніцамі Кубка Федэрацыі. Вырашальнае ачко на корце мінскай "Чыжоўка-Арэны" амерыканскай камандзе прынеслі Коко Вандэвеге і Шэлбі Роджэрс, якія перамаглі ў парнай сустрэчы беларускі дуэт Аляксандра Сасновіч / Арына Сабаленка. Падагульняючы лік фіналу - 3:2 на карысць амерыканак.


Парная сустрэча стала вырашальнай у гэтым зацяжным фінале неафіцыйнага каманднага чэмпіянату планеты сярод жаночых зборных. Менавіта таму капітаны каманд Эдуард Дуброў і Кэці Рыналдзі ў апошні момант зрабілі замены ў сваіх дуэтах і даверылі згуляць мацнейшым. Старт пятага матчу фінальнай серыі атрымаўся роўным - Сасновіч і Собаленка ні ў чым не ўступалі больш вопытным саперніцам. Аднак паступова амерыканкі ўзялі кіраванне ў свае рукі і выйгралі першы сэт з лікам 6:3. У другой партыі Вандэвеге і Роджэрс таксама сустрэлі ўпартае супраціўленне з боку маладых беларусак. Уступаючы 1:2, Аляксандра і Арына здолелі выйсці наперад (5:2), узяўшы дзве падачы саперніц. Да перамогі было вельмі блізка, але амерыканкі, што называецца, вярнуліся ў гульню, зрабіўшы лік роўным - 6:6. І на тай-брэйку Вандэвеге і Роджэрс былі крыху больш дакладнымі і ўдачлівымі - 7:3. Парная гульня прадаўжалася 1 гадз. 51 мін.

У першы дзень фінальнага матчу 55-га па ліку розыгрышу Кубка Федэрацыі 11 лістапада каманды абмяняліся перамогамі. Спачатку лідар амерыканскай каманды, дзясятая ракетка планеты Коко Вандэвеге перамагла Аляксандру Сасновіч у двух сэтах - 6:4, 6:4, а затым становішча зраўнавала першая ракетка беларусак, якая перамагла Слоан Стывенс - 6:3, 3:6, 6:4. 12 лістапада Коко Вандэвеге перамагла Арыну Сабаленка - 7:6 (7:5), 6:1, а затым сваё важкае слова сказала Аляксандра Сасновіч, якая перамагла ў цяжкім паядынку Слоан Стывенс - 4:6, 6:1, 8:6.

Да гэтага амерыканскія тэнісісткі апошні раз выйгравалі Кубак Федэрацыі ў 2000 годзе.

Што датычыцца зборнай Беларусі, то яна ўпершыню здолела дайсці да фіналу, атрымаўшы перамогу ў гэтым сезоне над вельмі моцнымі камандамі Нідэрландаў (4:1) і Швейцарыі (3:2). Нягледзячы на паражэнне ад амерыканак, беларускія тэнісісткі заслужылі самых добрых слоў за сваю гульню ў фінале. Аляксандра Сасновіч і Арына Сабаленка паказалі сапраўдны байцоўскі характар і на роўных змагаліся з адной з мацнейшых каманд планеты. Гэта ацанілі і беларускія балельшчыкі, якія на працягу двух выхадных дзён максімальна запаўнялі трыбуны "Чыжоўка-Арэны" і горача падтрымлівалі тэнісістак.

БЕЛТА

Фота БЕЛТА

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.