Вы тут

Увесь тыдзень уначы і раніцай галалёд і галалёдзіца на дарогах


Мокры снег з дажджом чакаюцца ў Беларусі ў першай палове тыдня, паведамляюць спецыялісты ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У аўторак месцамі па Беларусі магчымы слабыя туман і галалёд, на асобных участках дарог галалёдзіца. Днём пад уплывам няўстойлівых паветраных мас толькі ў асобных раёнах, у асноўным па ўсходзе краіны, не абыдзецца без ападкаў (мокры снег, дождж). Тэмпература паветра ў другой палове дня складзе ад плюс 1 да плюс 7 градусаў. Уначы ў сераду па крайнім паўночным захадзе краіны, а ўдзень пераважна ў паўночных і цэнтральных раёнах пройдуць кароткачасовыя ападкі ў выглядзе дажджу і мокрага снегу, чакаюцца слабыя туман і галалёд. Тэмпература паветра ўначы складзе ад мінус 3 да плюс 2 градусаў, удзень — ад нуля да плюс 6 градусаў.

Згодна з прагнозамі айчынных сіноптыкаў, у чацвер крыху пацяплее. Уначы пераважна па паўночнай частцы краіны, а ўдзень у крайніх усходніх раёнах Беларусі пройдуць невялікія кароткачасовыя ападкі, у асноўным дождж. Уначы і раніцай чакаюцца слабыя туман і галалёд. Тэмпература паветра ўначы складзе ад мінус 1 да плюс 5 градусаў, удзень — 2—7 цяпла.

Сяргей КУРКАЧ

kurkасh@zvіаzdа.bу

Загаловак у газеце: Холадна і мокра

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».