Вы тут

Кніга плюс кава?


Найбуйнейшая кнігарня краіны думае пра развіццё


Сталічная кнігарня «Дом кнігі “Светач”» адзначыла дзень нараджэння: 40 гадоў сюды прыходзяць людзі, якія выбіраюць чытанне для сябе і сваіх дзяцей. Менавіта гэтая найбуйнейшая кніжная крама рэспублікі адна з першых атрымлівае новыя кнігі беларускіх і расійскіх выдавецтваў. Але яшчэ знаёміць і з аўтарамі: падчас яркіх прэзентацый. Нездарма павіншаваць калектыў кнігарні прыйшлі кіраўнікі буйных айчынных выдавецтваў, напрыклад, такіх як «Мастацкая літаратура», «Беларуская энцыклапедыя імя Петруся Броўкі», «Народная асвета», ды літаратары, у прыватнасці старшыня Саюза пісьменнікаў Беларусі Мікалай Чаргінец. Ганаровым госцем на свяце кнігарні стаў міністр інфармацыі Беларусі Аляксандр Карлюкевіч. Нездарма: за значны ўнёсак у прапаганду кнігі і чытання, распаўсюджванне нацыянальнай літаратуры калектыў філіяла ААТ «Белкніга» «Дом кнігі “Светач”» узнагароджаны Падзякай міністра інфармацыі Рэспублікі Беларусь.

Між іншым сваё свята 4 лістапада супрацоўнікі крамы вырашылі падзяліць з усімі наведвальнікамі: наладзілі майстар-класы, сустрэчы з беларускімі аўтарамі, фотазону, нават «Кніжную бяссонніцу» і акцыю «Купі кнігу — атрымай падарунак». Таму што свята — святам, а кніжны гандаль ніхто не адмяняў. Дзеля таго, каб ён ішоў больш шпарка, «Светач» збіраецца ўдасканальвацца не толькі арганізацыйна, але і вонкава. Паводле слоў генеральнага дырэктара адкрытага акцыянернага таварыства «Белкніга» Аляксандра Вашкевіча, кнігарня перажыла складаныя часы, калі набыць кнігі можна было па талонах, здаўшы макулатуру, ці калі продаж кніг ішоў паралельна з гандлем спажывецкімі таварамі, напрыклад, футрам. Цяпер усё на сваіх месцах, і калектыў думае пра тое, як прадаваць як мага больш кніг: «Светач» чакае рамонт, які дазволіць стварыць новыя больш камфортныя функцыянальныя зоны: для адпачынку, сустрэч з пісьменнікамі, прэзентацый, нават кавярню.

Марыя АСІПЕНКА

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Некалі ў нашых вёсках людзі былі маладзейшыя. Ва ўсякім разе амаль усе яны трымалі кароў. 

Грамадства

Чаму амаладжэнне навуковых кадраў прынцыпова важнае?

Чаму амаладжэнне навуковых кадраў прынцыпова важнае?

На якім этапе трэба распачынаць выхаванне будучага даследчыка: у аспірантуры, магістратуры або яшчэ ў школе? 

Грамадства

Малых пацыентаў з арытміяй аперыруюць на базе РНПЦ дзіцячай хірургіі

Малых пацыентаў з арытміяй аперыруюць на базе РНПЦ дзіцячай хірургіі

Праведзеныя аператыўныя ўмяшанні — гэта надзея на радыкальнае вылечванне для тых, хто зараз з прычыны свайго захворвання прымае сур'ёзныя лекавыя прэпараты.

Грамадства

Як на школьных уроках вучаць арыентавацца ў медыясвеце?

Як на школьных уроках вучаць арыентавацца ў медыясвеце?

Сваім вопытам дзеляцца чэшскія спецыялісты.