26 Верасень, серада

Вы тут

Шуневіч: Аўтарытэт супрацоўніка ўнутраных спраў трэба павышаць


Такое меркаванне выказаў міністр унутраных спраў Ігар Шуневіч на першым пасяджэнні грамадскага савета пры МУС у новым складзе.


На думку Ігара Шуневіча, стаўленне грамадзян да супрацоўнікаў органаў унутраных спраў неабходна трансфармаваць, павышаючы іх аўтарытэт у вачах грамадскасці. Выбудоўваць далейшы працэс узаемадзеяння з грамадзянскай супольнасцю прапануецца з дапамогай новага складу грамадскага савета пры МУС. Савету адводзіцца вялікая роля ў наладжванні гэтага дыялогу і падтрыманні яго ў канструктыўным рэчышчы.

Органы ўнутраных спраў даволі эфектыўна вырашаюць задачы па ахове жыцця, здароўя, маёмасці грамадзян, уласнасці дзяржавы, у цэлым па падтрыманні высокага ўзроўню грамадскай бяспекі і парадку ў краіне. Разам з тым, як адзначыў Ігар Шуневіч, не зніжаецца актуальнасць праблемы распаўсюджвання наркаманіі, п'янства, не змяншаецца колькасць карупцыйных злачынстваў.

З моманту стварэння грамадскага савета пры міністэрстве прайшло больш за чатыры гады. Мяркуючы па станоўчым грамадскім рэзанансе, які выклікалі разглядаемыя тэмы, яго дзейнасць мае вялікае значэнне не толькі для міністэрства, але і ўсяго грамадства. Члены савета па меры сіл робяць усё магчымае для максімальнага збліжэння супрацоўнікаў органаў унутраных спраў з насельніцтвам, павышэння ўзроўню даверу грамадзян да праваахоўнікаў, дадаў міністр.

За час работы грамадскага савета праведзены шэраг пасяджэнняў, на якіх разглядаліся самыя актуальныя пытанні, што хвалююць грамадства. Гэта і барацьба з п'янствам, наркаманіяй, прафілактыка маладзёжнай злачыннасці. Члены грамадскага савета праводзілі прыёмы грамадзян, ажыццяўлялі выязныя прыёмы ў рэгіёнах, выступалі ў працоўных калектывах супрацоўнікаў органаў унутраных спраў. Яны таксама ўдзельнічалі ў акцыях МУС, аказвалі садзейнічанне ў падрыхтоўцы і рэалізацыі мерапрыемстваў, прымеркаваных да 100-годдзя міліцыі Беларусі.

У Акадэміі Міністэрства ўнутраных спраў Беларусі сёння праходзіць першае пасяджэнне грамадскага савета пры МУС у новым складзе. Грамадскі савет пры МУС створаны ў сакавіку 2013 года. Ён з'яўляецца кансультацыйным органам, які прыцягваецца да абмеркавання найбольш важных аспектаў дзейнасці органаў унутраных спраў, а таксама прызначаны выбудоўваць канструктыўны дыялог паміж праваахоўнікамі і грамадскасцю. У яго склад уваходзяць прадстаўнікі айчыннай навукі, культуры і мастацтва, кіраўнікі буйнейшых прадпрыемстваў і грамадзянскіх аб'яднанняў.

БЕЛТА

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.