Вы тут

Заказнік з унікальнымі ландшафтамі


Рэспубліканскі водна-балотны заказнік «Слаўгарадскі» абвешчаны ў Слаўгарадскім раёне Магілёўскай вобласці ў мэтах захавання ў натуральным стане каштоўнага прыроднага пойменнага і лесабалотнага комплексу, дзе ёсць дзікарослыя расліны і дзікія віды жывёл, уключаныя ў Чырвоную кнігу Рэспублікі Беларусь.


У сувязі з наяўнасцю на тэрыторыі заказніка ўнікальных ландшафтаў з высокай эстэтычнай і пейзажнай каштоўнасцю яго трэба разглядаць як перспектыўную рэкрэацыйную зону, паведамілі ў Міністэрстве прыродных рэсурсаў і аховы навакольнага асяроддзя. У склад тэрыторыі заказніка ўвайшлі землі ляснога фонду дзяржаўнай лесагаспадарчай установы «Краснапольскі лясгас», землі сельскагаспадарчага прызначэння і землі запасу. Яго плошча — 14 779,33 гектара. Асновай заказніка стаў пойменны лесабалотны комплекс, які фарміруе гідралагічныя рэжымы тэрыторыі заказніка і рэк Сож і Проня. Участкі поймы гэтых рэк, у межах якіх ствараецца заказнік, маюць вялікае значэнне для захавання месца жыхарства каляводна-балотных і прыбярэжна-водных відаў птушак на ўсходзе Беларусі. У красавіку-маі тут спыняецца больш за 20 тысяч гусей і каля 30 тысяч кулікоў, самыя шматлікія з якіх — белалобая гусь і турухтан, больш за 500 асобін шэрых жураўлёў і інш. Тэрыторыя заказніка служыць месцам жыхарства 5 рэдкіх і знікаючых відаў дзікарослых раслін і 11 відаў дзікіх жывёл, уключаных у Чырвоную кнігу Рэспублікі Беларусь.

Сяргей РАСОЛЬКА

rs@zviazda.by

Выбар рэдакцыі

Грамадства

Як уменне ўвасабляць ідэі ў дзеянні можа падрыхтаваць да дарослага жыцця

Як уменне ўвасабляць ідэі ў дзеянні можа падрыхтаваць да дарослага жыцця

Вывучэнне прадпрымальніцтва ў школе — выдатная прафарыентацыя.

Калейдаскоп

Дзіяна Громава: Мае слухачы растуць разам са мной

Дзіяна Громава: Мае слухачы растуць разам са мной

Упершыню дзяўчына выйшла на сцэну ў пяцігадовым узросце. 

Грамадства

Як выратаваць прадукты ад выкідвання на сметніцу

Як выратаваць прадукты ад выкідвання на сметніцу

​Па статыстыцы, беларусы выкідаюць 30 працэнтаў ежы, якую купляюць. 

Спорт

Сёння стартуе адзін з найстарэйшых турніраў Еўропы

Сёння стартуе адзін з найстарэйшых турніраў Еўропы

111-ы чэмпіянат Еўропы па фігурным катанні пачынаецца на «Мінск-Арэне» жаночымі выступленнямі адзіночак.