Наваполацкі конкурс юных выканаўцаў эстраднай песні «Халі-Хало» сёлета пройдзе ў міжнародным фармаце. І арганізатары ганарацца тым, што ў горад нафтаперапрацоўшчыкаў пажадалі прыехаць хлопчыкі і дзяўчаткі з Беларусі, Расіі, Малдовы, Эстоніі, Украіны, Латвіі і Румыніі.
Як паведамілі ў гарвыканкаме, падзея адбудзецца 18—19 лістапада. Сярод членаў інтэрнацыянальнага журы масцітыя педагогі вакальнага майстэрства, кампазітары і дзеячы мастацтваў. А старшынства даверылі заслужанай артыстцы Рэспублікі Беларусь Ірыне Дарафеевай. У «суддзяў» нялёгкая задача: прыкладна з 60 канкурсантаў трэба будзе (у трох узроставых катэгорыях) выбраць найлепшых выканаўцаў. Ды яшчэ вызначыць, каму дастанецца галоўны прыз — прафесійны мікрафон, вельмі неабходны «аксесуар» для далейшага пакарэння творчага алімпа. Але, падкрэслілі ў аргкамітэце, усе юныя таленты атрымаюць памятныя прызы і сувеніры.
Аляксандр ПУКШАНСКІ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
