Яна запушчана ў падтрымку Рэспубліканскага конкурсу юных чытальнікаў "Чытаем па-беларуску з velcom", які праводзіцца сярод вучняў 7-8 класаў школ і гімназій Беларусі пры садзейнічанні Міністэрства адукацыі. Удзельнікамі эстафеты сталі студэнты філалагічнага, гістарычнага факультэтаў і Інстытута журналістыкі БДУ. Факультэт, які прымае паэтычную ініцыятыву, запісвае студэнцкае прачытанне аднаго з твораў беларускіх класікаў, выкладвае відэазапіс у сацыяльныя сеткі і перадае эстафету наступнаму факультэту.
Студэнты-філолагі запусцілі паэтычны флэшмоб і запісалі на відэа ўрывак з паэмы "Новая зямля" Якуба Коласа.
Будучыя гісторык паказалі майстэрства ў чытанні верша Янкі Купалы.
Студэнты Інстытута журналістыкі выканалі твор Ніла Гілевіча "Апошняе спатканне з Веранікай".
У бліжэйшы час эстафету прыме геаграфічны факультэт.
Падтрымаць удзельнікаў праекта можа любы жадаючы. Да акцыі далучыліся таксама прадстаўнікі ад Беларусі на міжнародным дзіцячым конкурсе "Еўрабачанне" Хелена Мерааі і Руслан Асланаў, ігракі футбольнага клуба "Мінск", акцёр і вядучы Юрый Жыгамонт, тэлевядучая Вольга Сацюк.
Рэспубліканскі конкурс юных чытальнікаў "Чытаем па-беларуску з velcom" праходзіць у Беларусі з 2015 года. У гэтым годзе да ўдзелу запрошаны вучні 7-х і 8-х класаў. Да 30 лістапада яны запісваюць на відэа чытанне твораў беларускіх аўтараў і выкладваюць відэазапісы ў сацыяльныя сеткі, пазнаючы іх афіцыйнымі хэштегами праекта # чытаемзвэлком або #чытаемзvelcom. Пяць лепшых выканаўцаў будуць удастоены галоўнага прыза — смартфона маркі Apple.
Надзея НІКАЛАЕВА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».