З галерэі Барту ў цэнтры Парыжа, якая размяшчаецца побач з прэзідэнцкім палацам на Елісейскіх палях, сярод белага дня выкралі бронзавую скульптуру, кошт якой ацэньваецца ў 425 000 еўра, паведамляе The Local.
Ахоўнікі заўважылі прапажу толькі, калі зачынялі галерэю на ноч. Паводле запісу камеры відэаназірання, адна з самых вядомых работ калумбійскага мастака Фернанда Батэра прыцягнула ўвагу невядомага мужчыны з барадой. Ён некалькі разоў абышоў твор мастацтва, азірнуўся, а потым падняў яго, схаваў пад пахай і спакойна накіраваўся да выхаду. У галерэі адсутнічаюць металашукальнікі і не даглядаюць наведвальнікаў на выхадзе, таму зламысніка ніхто не спыніў. Выкрадзеная скульптура называецца «Мацярынства» і адлюстроўвае аголеную жанчыну з маленькім дзіцем. Існуе восем варыянтаў «Мацярынства», якія адрозніваюцца памерамі. Версія, якая захоўвалася ў Парыжы, мела вышыню 57 сантыметраў і важыла 10 кілаграмаў.
Іван КУПАРВАС
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
