Як паведамляе прэс-служба Палаты прадстаўнікоў Нацыянальнага сходу, напрыканцы візіту старшыня ніжняй палаты нашага парламента Уладзімір Андрэйчанка сустрэўся з прэзідэнтам Рэспублікі Судан Амарам аль-Башырам.
Былі абмеркаваны ключавыя пытанні беларуска-суданскіх адносін — з акцэнтам на рэалізацыю ўзаемавыгадных праектаў у святле вынікаў перагавораў прэзідэнтаў абедзвюх краін, якія прайшлі ў студзені бягучага года ў Хартуме.
«У прыватнасці, уздымаліся пытанні ўзаемадзеяння ў галіне прамысловай кааперацыі, сельскай гаспадаркі, асваення прыродных рэсурсаў Рэспублікі Судан, — інфармуе прэс-служба. — Канстатавалі высокі ўзровень палітычных адносін, у тым ліку сувязяў па лініі парламентаў «як мастоў, якія аб'ядноўваюць дзве дружалюбныя краіны». Прэзідэнт Рэспублікі Судан даў высокую ацэнку ролі парламентарыяў у прасоўванні гандлёва-эканамічных, гуманітарных сувязяў і дзелавых кантактаў дзвюх краін.
Надзея ЮШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
