Вы тут

Беларусь і Грузія падпісалі пагадненне аб узаемным гандлі


Кіраўніцтва мытных службаў Беларусі і Грузіі падпісала ў Мінску пагадненне паміж урадам Беларусі і ўрадам Грузіі аб сістэме садзейнічання ўзаемнаму гандлю, паведамляе сайт Дзяржаўнага мытнага камітэта (ДМК).


Адбылася сустрэча старшыні ДМК Беларусі Юрыя Сянько і намесніка начальніка службы даходаў Міністэрства фінансаў Грузіі Вахтанга Лашкарадзэ. Як адзначыў Юрый Сянько, пошук і ўкараненне прагрэсіўных тэхналогій па ажыццяўленні кантрольных функцый на граніцы - важнейшы складнік іміджу транзітнай дзяржавы. "З улікам хутка зменлівых падыходаў у сучасным свеце пры ажыццяўленні міжнароднага гандлю краіна, зацікаўленая ў прыцягненні таварных патокаў, павінна быць прывабнай для перавозчыкаў", - дадаў ён. На сустрэчы было падпісана пагадненне паміж урадам Беларусі і ўрадам Грузіі аб сістэме садзейнічання ўзаемнаму гандлю.

Акрамя таго, кіраўніцтва мытных ведамстваў дзвюх краін зацвердзіла план супрацоўніцтва паміж установай адукацыі "Дзяржаўны інстытут павышэння кваліфікацыі і перападрыхтоўкі кадраў мытных органаў Рэспублікі Беларусь" і Дэпартаментам па кіраванні і развіцці кадравых рэсурсаў службы даходаў Міністэрства фінансаў Грузіі ў галіне падрыхтоўкі кадраў на 2018-2019 гады.

Удзельнікі сустрэчы абмеркавалі пытанні, што датычацца спрашчэння мытных фармальнасцей, пераходу на сучасныя інфармацыйныя тэхналогіі, перавагі для ўпаўнаважаных эканамічных аператараў у сувязі з уступленнем у сілу з 1 студзеня 2018 года Мытнага кодэкса Еўразійскага эканамічнага саюза. Мытнікі дзвюх краін абмяняліся вопытам у ажыццяўленні функцый пашпартнага кантролю ў пагранічных пунктах пропуску, арганізацыі кантролю пасажыраў у аэрапортах.

"Такія візіты ўваходзяць у рэгулярную практыку ўзаемадзеяння беларускай мытні з замежнымі калегамі. Яны садзейнічаюць наладжванню кантактаў, даюць магчымасць удасканальваць работу мытных службаў пры трансгранічных перавозках, дзяліцца станоўчым вопытам пры падрыхтоўцы спецыялістаў, а таксама абменьвацца інфармацыяй з мэтай прадухілення незаконнага перамяшчэння наркатычных сродкаў, псіхатропных рэчываў і эфектыўна змагацца з кантрабандай", - гаворыцца ў паведамленні.

БЕЛТА

Дадаць каментар

Выбар рэдакцыі

Культура

Хто ёсць хто на дзіцячым «Еўрабачанні»

Хто ёсць хто на дзіцячым «Еўрабачанні»

Ужо ў гэту нядзелю вырашыцца інтрыга

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг