Вы тут

Імпартныя аўтамабілі ў дзяржорганах будуць паступова замяняць на Geely


Аб гэтым Прэзідэнт Беларусі Аляксандр Лукашэнка заявіў сёння ў час сустрэчы з працоўным калектывам СЗАТ "БелДжы" пасля ўрачыстага адкрыцця прадпрыемства.


"Я ўжо забараніў па вертыкалі ўсім дзяржслужачым купляць імпартныя аўтамабілі. Мы ўжо некалькі дзясяткаў закупілі гэтых аўтамабіляў (Geely. - Заўвага БЕЛТА), і цяпер паступова будзе ісці замена - ад урада да старшыні райвыканкама, - расказаў Аляксандр Лукашэнка. - У нас гэта ўжо адбываецца, і мы гэта зробім".

Прэзідэнт адзначыў, што і самі работнікі завода павінны перасаджвацца на вырабленую імі машыну. Гэта будзе добрым паказчыкам якасці аўтамабіля. "Акрамя мяне, ваша кіраўніцтва разам з прадстаўнікамі Кітайскай Народнай Рэспублікі падумаюць, як прастымуляваць членаў працоўнага калектыву, каб яны перамяшчаліся на гэтым аўтамабілі. Калі вы вырабіце гэты аўтамабіль, сядзеце ў яго і будзеце перамяшчацца, гэта будзе самая вялікая рэклама", - падкрэсліў кіраўнік дзяржавы.

Пасля заканчэння ўрачыстых мерапрыемстваў кіраўнікі кітайскіх кампаній падарылі Аляксандру Лукашэнку электрамабіль Geely, які пакуль не вырабляецца ў Беларусі. Прэзідэнт запэўніў, што абавязкова пратэсціруе машыну, тым больш яму ёсць з чым параўнаць яе: раней кіраўнік дзяржавы ўжо апрабаваў магчымасці электракара Tesla.

Пры гэтым Аляксандр Лукашэнка адзначыў, што яшчэ лепшым падарункам для яго стане арганізацыя выпуску ў Беларусі надзейных электрамабіляў.

БЕЛТА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.