Вы тут

Сусветны банк за 5 гадоў інвесціруе ў эканоміку Беларусі каля $570 млн


Аб гэтым паведаміў кіраўнік прадстаўніцтва Сусветнага банка ў Беларусі Аляксандр Крэмер у час сустрэчы з кіраўніцтвам Гродзенскага аблвыканкама.


Аляксандр Крэмер сёння ў Гродзенскай вобласці азнаёміўся з ходам рэалізацыі некаторых праектаў і абмеркаваў з кіраўніцтвам рэгіёна магчымасці далейшага супрацоўніцтва.

"Амаль трэць усіх нашых праектаў рэалізуецца на тэрыторыі Гродзенскай вобласці. З адным з іх - будаўніцтвам трасы Мінск-Гродна - мы азнаёміліся па дарозе сюды. Работы ідуць у добрым тэмпе, упэўнены, што аб'ект будзе завершаны ў тэрмін", - адзначыў Аляксандр Крэмер. Акрамя таго, у Гродне рэалізаваны комплексны праект па абыходжанні з цвёрдымі адходамі: пабудаваны смеццесартавальны завод, удасканалена сістэма збору і вывазу камунальных адходаў.

"Дзякуючы падтрымцы Сусветнага банка вырашаны шэраг пытанняў. У прыватнасці, у сферы абыходжання з камунальнымі адходамі мы выйшлі на новы ўзровень, аднак прадаўжаем работу ў гэтай сферы. Прапрацоўваецца пытанне па вытворчасці з адходаў RDF-паліва", - сказаў старшыня Гродзенскага аблвыканкама Уладзімір Краўцоў. Ён таксама адзначыў, што ў Гродзенскай вобласці нямала ўвагі ўдзяляецца пытанням паляпшэння якасці пітной вады. У сельскай мясцовасці актуальна праблема вялікай колькасці жалеза ў саставе вады. Рэгулярна будуюцца станцыі ачысткі вады ад прымесей жалеза.

Аляксандр Крэмер адзначыў, што каля $70 млн будзе накіравана на вырашэнне пытанняў з якасцю пітной вады і абыходжання з адходамі ў краіне. "У бліжэйшыя пяць гадоў жыхары рэгіёна адчуюць рэалізацыю праектаў Сусветнага банка. Мы плануем інвесціраваць у такія сферы, як вышэйшая адукацыя, агульная і сярэдняя адукацыя, водазабеспячэнне і водаадвядзенне, абыходжанне з цвёрдымі бытавымі адходамі і будаўніцтва ў сферы энергетыкі", - адзначыў ён.

"Мы таксама сумесна будзем працаваць над паляпшэннем дзелавога клімату, стварэннем умоў для прыватных інвестыцый", - адзначыў Аляксандр Крэмер. Паводле яго слоў, каля $60 млн будзе накіравана на крэдыты для малога і сярэдняга бізнесу. У цэлым жа за пяць гадоў у эканоміку Беларусі будзе інвесціравана каля $570 млн.

Сярод праектаў, якія прапрацоўваюцца ў Гродзенскай вобласці для рэалізацыі за кошт сродкаў Сусветнага банка, рэканструкцыя сярэдняй школы ў Воранаве (2-і пускавы комплекс), закупка камп'ютарнай тэхнікі і праграмнага забеспячэння для амаль 20 арганізацый сістэмы аховы здароўя. Таксама запланаваны інвестыцыі ў развіццё лесагаспадарчага сектара.

БЕЛТА

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.