50-ы па ліку аб'ект новага фармату адкрылі ў Мінску на бульвары Трактарабудаўнікоў каля прыпынку грамадскага транспарту. Раніцай у чаканні трамваяў і аўтобусаў тут збіраюцца дзясяткі людзей. Цяпер бавіць час будзе нашмат прыемней: можна зайсці ва ўтульны павільён па свежую прэсу і нават выпіць кубачак духмянай кавы.
Як расказала на адкрыцці гандлёвага аб`екта начальнік аддзела гандлю і паслуг Партызанскага раёна Ніна Нядзельчык, аб'екты такога фармату значна паляпшаюць абслугоўванне спажыўцоў. А менавіта зараз, падчас асенне-зімовага перыяду, у такім камфортным месцы правесці свой вольны час пакупнікам будзе больш прыемна.
— Плошча новага аб'екта — 27 кв. м. Такі памер памяшкання дазваляе размяшчаць тут вялікі асартымент прадукцыі. Акрамя перыядычных выданняў тут прадаюць кнігі, канцылярскія тавары, цацкі, сувеніры, навагоднія ўпрыгажэнні і шмат іншага. Кожны новы аб'ект стараемся ўсё больш удасканаліць. Да канца года плануем адкрыць яшчэ тры павільёны ў Мінску. Гэта таксама будзе замена звычайных кіёскаў на гандлёвыя аб'екты новага тыпу, — дадала інструктар па павільёнах Людміла Драздова.
Ганна Занковіч
Фота аўтара
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
