22 Ліпень, нядзеля

Вы тут

У сталіцы пройдзе турнір па інтэлектуальных гульнях "Шчыт і меч"


У Мінску 25-26 лістапада адбудзецца XIII Міжнародны турнір Акадэміі МУС Рэспублікі Беларусь па інтэлектуальных гульнях "Шчыт і меч”.


Турнір праводзіцца пры падтрымцы Беларускай лігі інтэлектуальных каманд. Збярэцца 36 каманд, больш за 200 удзельнікаў з беларускіх і расійскіх ВНУ.

Нароўні са студэнтамі за перамогу будуць змагацца курсанты розных сілавых ВНУ Беларусі. Запланаваны ўдзел курсанцкіх каманд з Белгарада, Масквы, Ніжняга Ноўгарада, Разані. Маладыя праваахоўнікі па даўняй традыцыі гуляюць у форме сваіх ведамстваў.

Па правілах турніру ў кожную каманду ўваходзіць не больш за шэсць удзельнікаў не старэйшыя за 23 гады. Пераможцы будуць вызначаныя па выніках двух інтэлектуальных гульняў: “Эрудыт-квартэт” (субота) і “Што? Дзе? Калі?” (нядзеля).

Каманда-пераможца ўзнагароджваецца кубкам турніру, лепшая каманда сілавых ВНУ — адмысловым кубкам і граматай.

Турнір “Шчыт і меч” зарадзіўся ў 2005 годзе на следча-экспертным факультэце Акадэміі МУС па ініцыятыве курсантаў. Яму прысвоены статус турніра, які выводзіць на чэмпіянаты Беларусі і Еўропы па інтэлектуальных гульнях сярод студэнцкіх каманд. У мінулым годзе турнір "Шчыт і меч” прызнаны Беларускай лігай інтэлектуальных каманд лепшым студэнцкім турнірам краіны за 20 гадоў.

Сяргей РАСОЛЬКА

Дадаць каментар

Выбар рэдакцыі

Спорт

Экстрэмальнае катанне з Васілісай Маславай

Экстрэмальнае катанне з Васілісай Маславай

Як гродзенская прыгажуня стала чэмпіёнкай свету.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Сустрэча з каралевай, пад нумарам адзін і правіла ды выключэнне.

Грамадства

Уязны турызм: назіраецца станоўчая дынаміка

Уязны турызм: назіраецца станоўчая дынаміка

Турызм — гэта перш за ўсё матывацыя, жаданне наведаць краіну, убачыць яе адметнасці, адпачыць у пэўным месцы.