Вы тут

Маладняк для падсобнай гаспадаркі атрымалі вяскоўцы ў Ляхавіцкім раёне


Сертыфікаты на атрыманне маладняку перададзены першым сямі сем'ям у Ганчароўскім сельсавеце Ляхавіцкага раёна. Гэта стала магчыма дзякуючы ініцыятыве, якую рэалізуе Брэсцкі абласны аграпрамысловы саюз у рамках праекта міжнароднай тэхнічнай дапамогі «Садзейнічанне развіццю на мясцовым узроўні ў Рэспубліцы Беларусь». Праект фінансуецца Еўрасаюзам і рэалізуецца Праграмай развіцця ААН. Сума фінансавання складае 25 060 еўра.


За гэтыя грошы ў пачатку года купілі 20 высокаўдойных кароў. Яшчэ тры набыла фермерская гаспадарка «ЛагуЦін», якая з'яўляецца адным з партнёраў ініцыятывы. Каровы знаходзяцца ў гаспадарцы, а прыплод ад іх раздаецца сялянам бясплатна — каб яны маглі развіваць уласную гаспадарку, атрымліваць малако для сваёй сям'і, а лішкі прадаваць.

Паводле ўмоў дагавора, гаспадар дарошчвае цяля самастойна, а першую цялушачку ад маладой каровы перадае наступнаму гаспадару. Такім чынам добрая справа працягваецца. Таму ініцыятыва і атрымала назву «Доўгая карова».

І вось конкурс падворкаў прайшоў у Ганчароўскім сельсавеце. Сем сем'яў, якія зарэкамендавалі сябе добрымі гаспадарамі, атрымалі права на маладняк. Так што першая партыя пародзістых цялят перайшла на новае месца жыхарства.

Загаловак у газеце: Цяляты — бясплатна

Дадаць каментар

Выбар рэдакцыі

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці

Грамадства

На чым Ветка трымаецца

На чым Ветка трымаецца

Формула поспеху мясцовага музея простая: шануй сваё, тым і будзеш цікавы.

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...