Вы тут

У Беларусі вырашаць пытанне з пасрэднікамі пры працы праз "Разлік-ЖКП"


У Беларусі ўрэгулююць пытанне з працэнтнымі адлічэннямі пасрэднікам пры рабоце праз аўтаматызаваную інфармацыйную сістэму "Разлік-ЖКП". Аб гэтым паведаміў сёння намеснік міністра жыллёва-камунальнай гаспадаркі Генадзь Трубіла ў Палаце прадстаўнікоў на пасяджэнні круглага стала, прысвечанага вынікам укаранення АІС "Разлік-ЖКП".


Фота: dpchas.com.ua

Пры распрацоўцы і ўкараненні ў канцы 2016 года АІС "Разлік-ЖКП" планавалася, што адзіная сістэма разлікаў з насельніцтвам забяспечыць зніжэнне затрат на налічэнне платы за жыллёва-камунальныя паслугі, памеру камісійнай узнагароды за прыём плацяжоў. Акрамя таго, за кошт зніжэння патрабаванняў да тэхнічных характарыстык абсталявання планавалася скараціць патрэбнасць у фінансавых сродках на яго набыццё і абслугоўванне.

АІС "Разлік-ЖКП" павінна была прадаставіць роўныя і якасныя магчымасці па налічэнні платы і прыёме плацяжоў за аказаныя паслугі для ўсіх суб'ектаў гаспадарання незалежна ад іх формы ўласнасці, фінансавай магчымасці і аб'ёму паслуг, забяспечыць выкарыстанне адзіных стандартаў пры налічэнні платы за камунальныя паслугі, скарачэнне накладных расходаў.

Аднак на практыцы з'явіліся неабгрунтавана высокія працэнтныя адлічэнні ўпаўнаважаным арганізацыям за паслугі па разліку і налічэнні платы за жыллёва-камунальныя паслугі і платы за карыстанне жылым памяшканнем. Акрамя таго, у розных адміністрацыйна-тэрытарыяльных адзінках працэнтныя адлічэнні значна адрозніваюцца. Напрыклад, у Мінску такія адлічэнні ўпаўнаважаным арганізацыям - 3,55 працэнта, а ў раёнах Мінскай вобласці - 5-7 працэнтаў. Пры гэтым затраты на аказанне паслуг па разліку, налічэнні, прыёме і пералічэнні плацяжоў за ЖКП і за карыстанне жылым памяшканнем павінны ўключацца ў сабекошт аказваемых паслуг у складзе іншых прамых затрат.

Як растлумачыў Генадзь Трубіла, Міністэрствам жыллёва-камунальнай гаспадаркі распрацаваны праект нарматыўна-прававога акта, які ўрэгулюе памер працэнтных адлічэнняў такім упаўнаважаным арганізацыям. У прыватнасці, будзе ўзнімацца пытанне аб узроўні рэнтабельнасці гэтых прадпрыемстваў.

Адказваючы на ўдакладняючыя пытанні, намеснік міністра расказаў, што пастанова зацвердзіць методыку па фарміраванні і размеркаванні затрат на паслугі па разліку, уліку і налічэнні платы за ЖКП і платы за карыстанне жылымі памяшканнямі. Дакумент дасць магчымасць урэгуляваць спрэчныя пытанні па памеры адлічэнняў таварыстваў уласнікаў і ЖБСК мясцовым разлікова-даведачным цэнтрам за налічэнне платы за ЖКП.

Праект пастановы ўжо абмяркоўваўся ва ўрадзе на нарадзе ў віцэ-прэм'ера Анатоля Калініна і прайшоў узгадненне ў Нацбанку, Мінфіне і Мінэканомікі. Цяпер яго разглядаюць у Міністэрстве антыманапольнага рэгулявання і гандлю.

"Пастанова ўступіць у сілу, і ўсё стане на свае месцы. Гэтым дакументам мы вызначым адзіныя правілы гульні", - рэзюмаваў Генадзь Трубіла.

БЕЛТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.