Вы тут

Белпошта даставіць віншаванні ад Дзеда Мароза


Падарунак напярэдадні навагодніх свят ад казачнага чараўніка чакае, бадай, кожнае дзіця. Таму Белпошта па добрай традыцыі дапамагае здзейсніць мары — прымае заказы на паслугу «Віншаванне Дзеда Мароза».


Ёсць два варыянты. Можна заказаць пісьмо: у ім будзе паштоўка з віншаваннямі ад Дзеда Мароза, набор святочных вітражных наклеек і размалёвак-арыгамі. А калі выбраць падарунак, у дадатак да гэтага дзіця атрымае яшчэ і мяккую цацку — сімвал года — сабачку ў футры. Кошт пісьма пры перасылцы па Беларусі складае пяць рублёў, у краіны СНД і дальняга замежжа — дзесяць. Падарунак абыдзецца ў 23 і 31 рубель адпаведна.

Заказы па тэрыторыі Беларусі прымаюцца да 23 снежня, у краіны СНД і дальняга замежжа — да 1 снежня. Да 30 лістапада дзейнічае зніжка — 10 працэнтаў. Аформіць паслугу можна ў любым аддзяленні сувязі, у паштальёна ці праз інтэрнэт-сэрвіс.

Дарэчы, Дзед Мароз са Снягуркай таксама прымаюць віншаванні! У круглай зале сталічнага Паштамта для іх усталявана спецыяльная скрыня. Але лісты навагоднім героям можна адправіць і ў іх іншых аддзяленнях сувязі. Каб пісьмы дайшлі да чараўніка і яго ўнучкі, пішыце адрас правільна: Белавежская пушча, 225063, вёска Каменюкі, Камянецкі раён, Брэсцкая вобласць.

Наталля ЛУБНЕЎСКАЯ

lubneuskaya@zviazda.by

Загаловак у газеце: Падарунак ад навагодняга чараўніка

Выбар рэдакцыі

Культура

«Звязда» з'ездзіла на кінафестываль Żubrоffkа

«Звязда» з'ездзіла на кінафестываль Żubrоffkа

Раім вам у наступным годзе адправіцца туды самім.

Культура

Мастачка Алеся Скарабагатая: Няма мэты падабацца

Мастачка Алеся Скарабагатая: Няма мэты падабацца

Імя мастачкі гучыць усе пяць гадоў правядзення «Асенніх салонаў».

Спорт

Спартсмен Валерый Макарэвіч: Мара ў мяне адна — стаць прафесіяналам сваёй справы

Спартсмен Валерый Макарэвіч: Мара ў мяне адна — стаць прафесіяналам сваёй справы

Як варатар зборнай Беларусі па пляжным футболе сумяшчае гульню з роляй настаўніка і бацькі.  

Калейдаскоп

Вясёлыя гісторыі чытачоў

Вясёлыя гісторыі чытачоў

Языку дай волю..., Хвалі дзень вечарам, Людзі — добрыя.