Конкурс "Мая матуля"

Далучайцеся да праектаў "Алесі"!

Мы радыя вітаць вас у Новым 2018 годзе!

Запрашаем усіх паўдзельнічаць у святочным выпуску, прысвечаным Дню жанчын 8 сакавіка.

Нагадаем, што восенню мы аб'явілі фотаконкурс "Мая матуля", галоўная яго ўзнагарода – фота любімай маці на вокладцы сакавіцкага нумара "Алесі".

Акрамя таго, унутры часопіса будзе змешчаны "Матулін альбом" – спецыяльны ўкладыш (які лёгка можна дастаць), які раскажа пра шматлікіх нашых дарагіх і любімых матуль-працаўніц, матуль-гаспадынь, матуль-рукадзельніц і матуль... бабуль.

"Матулін альбом" прысвячаецца любімым нашым маці з усіх куткоў Беларусі, нашым цудоўным жанчынам – прыгожым, моцным і пяшчотным. Раскажыце нам пра вашу матулю! Падзяліцеся, пры жаданні, яе фірменным рэцэптам, дашліце фотаздымак (ён можа быць і даўнім, з асаблівай гісторыяй). Сумеснымі намаганнямі давайце створым душэўны праект пра нашых самых дарагіх людзей.

• Фотаздымкі і аповеды можна дасылаць у электронным выглядзе на электронны адрас tere19@tut.by або e.ageeva@tut.by. 
• Папяровыя фатаграфіі шліце на адрас: 220013, г. Мінск, вул. Б.Хмяльніцкага, 10-а, часопіс "Алеся". (Калі хочаце, каб фотаздымак вам вярнулі, укладзіце чысты канверт з вашым адрасам).
• Калі вы адчуваеце цяжкасці з напісаннем тэкста, проста пазначце ваш кантактны нумар. Мы абавязкова вам патэлефануем і дапаможам напісаць аповед.

Апошні тэрмін атрымання матэрыялаў на конкурс "Мая матуля" – 15 лютага 2018 года.

Да конкурсных работ прад'яўляюцца наступныя тэхнічныя патрабаванні:

фармат адлюстравання – JPEG;

памеры: для гарызантальных работ – не менш за 300 пікселяў па гарызанталі;

для вертыкальных работ – не менш чым 300 пікселяў па вертыкалі.

Агульная колькасць фатаграфій ад аднаго аўтара – у межах 20-ці.