Вы тут

Допінгу — не


На мінулым тыдні Беларусь ратыфікавала дадатковы пратакол да Канвенцыі супраць прымянення допінгу. Пра гэта нагадаў Баляслаў ПІРШТУК, намеснік старшыні Палаты прадстаўнікоў Нацыянальнага сходу Беларусі, на сустрэчы з Андрэа РЫГОНІ, дакладчыкам па Беларусі камісіі Парламенцкай асамблеі Савета Еўропы (ПАСЕ) па палітычных пытаннях і дэмакратыі, членам Палаты дэпутатаў Парламента Італіі. Беларускі віцэ-спікер адзначыў: «Пры гэтым мы бяром на сябе дадатковыя абавязкі і тым самым пацвярджаем, што мы, безумоўна, зацікаўлены ў чысціні спорту».


Баляслаў Пірштук паведаміў, што ў адносінах з Саветам Еўропы ў апошні час вызначыўся прагрэс. У прыватнасці, працуе план дзеянняў па супрацоўніцтве на 2016—2017 гады. Беларусь ставіцца да яго з адказнасцю. Намеснік старшыні Палаты прадстаўнікоў спадзяецца, што план будзе распаўсюджвацца яшчэ і на 2018 год. Беларускі бок зацікаўлены ў далучэнні да канвенцый і пагадненняў Савета Еўропы. Пазітыўна ацэньваецца такі крок, як запрашэнне беларускіх дэпутатаў на пасяджэнні ПАСЕ. «Са студзеньскай сесіі дэлегацыя, якую вы (Беларусь. — Аўт.) накіруеце ў Страсбург, будзе мець магчымасць удзельнічаць у абмеркаванні ўсіх пытанняў у рамках палітычнай камісіі. Гэтае рашэнне — скачок іншага ўзроўню ў нашых адносінах», — адзначыў яго субяседнік Андрэа Рыгоні.

Да таго ж італьянскі палітык сказаў, што бачыць задачу наблізіць Беларусь да стандартаў і каштоўнасцяў Парламенцкай асамблеі Савета Еўропы. Ён звярнуў увагу на пазітыўныя крокі ў гэтым кірунку і падкрэсліў, што канчатковая мэта — увесці Беларусь у Савет Еўропы. Пры гэтым, вядома, паўстала пытанне смяротнага пакарання. Яно стане тэмай сённяшняй сустрэчы з рабочай групай Нацыянальнага сходу па вывучэнні праблематыкі смяротнага пакарання.

Надзея АНІСОВІЧ

аnіsоvісh@zvіаzdа.bу

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.