Вы тут

Пасол Казахстана заканчвае дыпмісію ў нашай краіне


Шэсць гадоў Ергалі Булегенаў быў Надзвычайным і Паўнамоцным Паслом Казахстана ў Беларусі. За гады яго работы нашы краіны сталі бліжэй адна да адной і ў эканамічным, і ў палітычным, і ў культурным плане. З нагоды завяршэння дыпламатычнай місіі сустрэчу з паслом правёў Уладзімір Андрэйчанка, старшыня Палаты прадстаўнікоў Нацыянальнага сходу Беларусі.


Спікер звярнуў увагу на шматбаковасць беларуска-казахстанскага супрацоўніцтва, адным з дасягненняў якога з'яўляецца стварэнне Еўразійскага эканамічнага саюза. У яго межах зараз супрацоўнічаюць нашы краіны. Таксама ў гады работы Ергалі Булегенава быў падпісаны дакумент аб супрацоўніцтве паміж парламентамі Беларусі і Казахстана. Нашы дзяржавы неаднойчы падтрымлівалі пазіцыю адно аднаго ў межах міжнародных арганізацый. Так было і на сесіі ПА АБСЕ, якая адбылася сёлета ў Мінску. Уладзімір Андрэйчанка адзначыў і важнасць нарошчвання эканамічных кантактаў Беларусі і Казахстана: за дзевяць месяцаў бягучага года краіны здолелі выйсці на тавараабарот каля $500 млн.

У сваю чаргу Ергалі Булегенаў падзякаваў за высокую ацэнку яго дыпламатычнай работы. Ён выказаў упэўненасць, што ўзаемны тавараабарот Беларусі і Казахстана будзе расці і надалей. "Мы ўжо дасягалі амаль мільярднага тавараабароту ў 2014 годзе, і я, думаю, на наступны год рэальна, што такімі тэмпамі мы падыдзем да мільярда", — сказаў пасол.

Вераніка ПУСТАВІТ

pustavіt@zvіazda.by

Загаловак у газеце: Падзяка на развітанне

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.