Вы тут

У Мінадукацыі прааналізавалі вынікі прыёмнай кампаніі 2017 года


Ніжні парог вынікаў цэнтралізаванага тэсціравання па першым профільным прадмеце прапануецца ў наступным годзе павялічыць на пяць балаў, а тэрміны рэгістрацыі для ўдзелу ў цэнтралізаваным тэсціраванні скараціць: пункты рэгістрацыі адкрыюцца для абітурыентаў толькі 10 мая. На калегіі Міністэрства адукацыі прааналізавалі вынікі прыёмнай кампаніі 2017 года і паставілі задачы на наступны год.


Першы намеснік міністра адукацыі Вадзім БОГУШ лічыць, што павышэнне парога па профільным прадмеце павысіць значнасць гэтай дысцыпліны і дазволіць адабраць найбольш падрыхтаваных абітурыентаў. «Паэтапнае павышэнне парогавых значэнняў па выніках ЦТ працягнецца і ў наступныя гады, — паведаміў ён. — Гэты працэс будзе праходзіць паралельна з укараненнем і апрабацыяй новых методык па апрацоўцы і шкаліраванні вынікаў удзельнікаў ЦТ.

Для ўдасканалення правядзення ўступнай кампаніі Міністэрства адукацыі падрыхтавала праект указа Прэзідэнта Рэспублікі Беларусь аб змяненнях і дапаўненнях у Правілы прыёму асоб для атрымання сярэдняй спецыяльнай і вышэйшай адукацыі І ступені. Дакумент рыхтаваўся на падставе даручэнняў кіраўніка дзяржавы і прапаноў дзяржаўнай камісіі, абмяркоўваўся і ўзгадняўся з зацікаўленымі дзяржаўнымі органамі, Рэспубліканскім саветам рэктараў вышэйшых навучальных устаноў.

Сярод плануемых новаўвядзенняў — аптымізацыя льготных катэгорый грамадзян пры паступленні ва ўстановы вышэйшай адукацыі; увядзенне мінімальнага стажу для абітурыентаў, якія плануюць паступаць на завочную форму навучання; ажыццяўленне мэтавай падрыхтоўкі спецыялістаў незалежна ад месца знаходжання арганізацый пры падрыхтоўцы па найбольш запатрабаваных эканомікай спецыяльнасцях. У праект указа ўведзена норма, якая дасць магчымасць выкарыстоўваць гутарку ва ўстановах сярэдняй спецыяльнай адукацыі як дадатковы метад упарадкавання льготных катэгорый грамадзян.

Таксама будуць праходзіць апрабацыю наступныя механізмы — правядзенне прафесійна-псіхалагічнай гутаркі пры прыёме на спецыяльнасці, дзе патрабуюцца кіраўніцкія навыкі. Мяркуецца, што гутарка будзе праходзіць да пачатку ўступнай кампаніі. Першы намеснік міністра адукацыі расказаў, што ў ВНУ можа з'явіцца права праводзіць дадатковы профільны экзамен пры паступленні на спецыяльнасці, дзе патрабуецца наяўнасць практычных навыкаў. Гэтая норма будзе выкарыстоўвацца ў эксперыментальным рэжыме. «Літаральна на адной-дзвюх спецыяльнасцях у некалькіх установах адукацыі, каб можна было дакладна адпрацаваць увесь механізм, усе станоўчыя і адмоўныя бакі новаўвядзення», — растлумачыў Вадзім Богуш.

Ёсць пытанні, звязаныя з правядзеннем практычнай апрабацыі новых методык апрацоўкі вынікаў ЦТ.

— Тая мадэль шкаліравання вынікаў ЦТ, якая ў нас цяпер выкарыстоўваецца, даказала сваю эфектыўнасць, — падкрэсліла першы намеснік дырэктара Рэспубліканскага інстытута кантролю ведаў Наталля ВАЙЦЯХОВІЧ. — Трэба звярнуць увагу, што тая ці іншая мадэль шкаліравання выкарыстоўваецца ў залежнасці ад мэт і задач выпрабаванняў. Адна мадэль — для прамежкавай атэстацыі, другая — для выніковай. І зусім іншая мадэль павінна выкарыстоўвацца ў рамках уступных выпрабаванняў. Разам з тым, у сувязі з неабходнасцю разгледзець магчымасць укаранення новай методыкі, Рэспубліканскі інстытут кантролю ведаў прапанаваў свой варыянт, прадставіў матэматычныя алгарытмы разлікаў, а таксама паказаў як на станоўчыя бакі новай сістэмы падліку балаў, так і на магчымыя рызыкі. Мы ўсе павінны разумець, што ЦТ — экзамен з высокімі стаўкамі, і ў выпадку пераходу да новай сістэмы патрабуецца час. Немалаважана таксама, каб шкаліраванне вынікаў рэпетыцыйнага і цэнтралізаванага тэсціравання ажыццяўлялася па адной методыцы.

Надзея НІКАЛАЕВА

nіkalaeva@zvіazda.by

Фота Сяргея НІКАНОВІЧА

Загаловак у газеце: ЦТ — экзамен з высокімі стаўкамі!

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».