Вы тут

Традыцыйныя навагоднія дэсерты з усяго свету


У розных краінах існуюць свае традыцыі сустрэчы Новага года. Адзінае, што аб'ядноўвае ўсіх жыхароў планеты, — гэта падача дэсерту ў канцы багатай святочнай трапезы.


Знакаміты кекс штолен — Германія

Яго трэба гатаваць не пазней, чым за 3—4 тыдні да свята, каб ён добра насыціўся водарамі начынкі.

Спатрэбіцца: 0,5 кг мукі, 100 г тварагу, 360 г масла, 100 г цукру, дробка солі, 40 г свежых дражджэй, 120 мл малака, 80 мл рому, 150 г сухафруктаў (курага, чарнасліў), 100 г разынак , 50 г грэцкіх арэхаў, 50 г фундуку, 1 шклянка вадкага мёду, 1 пакуначак ваніліну, 1 лімон, 200 г цукровай пудры.

Сухафрукты здрабніце, дадайце разынкі, сечаныя арэхі і ром, змяшайце, змясціце ў слоік з накрыўкай і пакіньце мінімум на 4 гадзіны. Малако крыху падагрэйце, дадайце мёд, дрожджы і добра змяшайце, каб дрожджы растварыліся. Пакіньце сумесь у цёплым месцы на 20 хвілін. У глыбокую міску прасейце муку, дадайце тварог, парэзанае на кавалачкі масла (120 г), цукар, ванілін, надзёртую лімонную цэдру, соль і падрыхтаваную рошчыну. Добра вымесіце, накрыйце ручніком і пакіньце ў цёплым месцы на 1 гадзіну. Потым дадайце сумесь сухафруктаў і арэхаў і добра ўмясіце іх у цеста. Раскачайце яго ў прамавугольнік, сфармуйце штолен, загарнуўшы адзін край цеста, выкладзіце на засланую пергаментам бляху і пакіньце на 20 хвілін. Выпякайце штолен пры тэмпературы 175 °С каля 50—60 хвілін. Калі пірог заўчасна румяніцца, накрыйце яго фольгай. Растапіце масла, якое засталося (240 г) і паліце яго часткай гарачы пірог, затым пасыпце цукровай пудрай, паўтарайце працэдуру, пакуль не скончыцца масла. Насычаны штолен загарніце ў фольгу і захоўвайце ў сухім месцы.


Штрудзель калядны — Аўстрыя

Спатрэбіцца: 1 ліст гатовага слоенага цеста, 3 яблыкі, 50 г міндалю, 50 г разынак, 0,5 ч. л. молатай карыцы, 10 ст. л. каньяку, 1 ст. л. цукровай пудры, 2 пакуначкі ваніліну, 1 ст. л. масла.

На ноч замачыце разынкі ў каньяку і пакіньце пры пакаёвай тэмпературы, а потым зліце вадкасць і прасушыце. Яблыкі ачысціце і нарэжце кубікамі, дадайце разынкі, сечаны міндаль, ванілін, пудру і карыцу і добра змяшайце. Слоенае цеста злёгку раскачайце ў прамавугольнік, на сярэдзіну выкладзіце начынку. Краі цеста надрэжце і загарніце да цэнтра, пераплятаючы паміж сабой і закрываючы начынку. Замажце пірог растопленым маслам і запякайце ў разагрэтай да 190 °С духоўцы на працягу 25 хвілін. Гатовы штрудзель пасыпце цукровай пудрай.

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.