Яшчэ адна сямейная пара ў горадзе існавала за чужы кошт. Адзіная розніца з папярэднікамі — сваіх ахвяр яны не забівалі. Справай 50-гадовага магіляўчаніна і яго 48-гадовай жонкі ўпраўленне Следчага камітэта па Магілёўскай вобласці займалася з чэрвеня гэтага года.
— Сужэнцы абвінавачваюцца ў тым, што ў перыяд з 2008-га па студзень 2017 года заключалі незаконныя здзелкі з нерухомасцю, — паведаміла афіцыйны прадстаўнік УСК па Магілёўскай вобласці Аксана Салянюк. — Выяўлены 16 эпізодаў іх злачыннай дзейнасці. У Магілёве і Магілёўскай вобласці яны знаходзілі кватэры, дзе пражывалі маламаёмныя, адзінокія і сацыяльна неабароненыя грамадзяне, уваходзілі да іх у давер, схілялі да незаконных здзелак па абмене або продажы кватэр, абяцаючы знайсці ім іншае жыллё, а розніцу ў коштах вярнуць. Пры гэтым выконваць свае абяцанні яны нават не збіраліся. Сума незаконна атрыманых імі грошай склала больш за 526 тысяч рублёў.
Сужэнцы абвінавачваюцца ў здзяйсненні злачынстваў, прадугледжаных часткамі 1 і 3 артыкула 209 і часткай 2 артыкула 233 (махлярства, здзейсненае ў буйным памеры, і незаконная прадпрымальніцкая дзейнасць, спалучаная з атрыманнем даходу ў асабліва буйным памеры) КК Рэспублікі Беларусь. На іх маёмасць, у тым ліку грошы, залатыя вырабы, аўтамабіль, нерухомасць агульным коштам 60 тысяч рублёў, накладзены арышт. Мужчына змешчаны пад варту, жанчыне пакуль дазволена застацца на волі пад асабістае паручыцельства.
Нэлі ЗІГУЛЯ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
