Вы тут

Скардзіна выйграла індывідуальную гонку на этапе КС у Швецыі


Прадстаўніца Беларусі Надзея Скардзіна стала пераможцай індывідуальнай гонкі на першым этапе Кубка свету па біятлоне ў сезоне-2017/18 які праходзіць у шведскім Эстэрсундзе.


Фота: twitter.com/IBU_WC

У сераду Скардзіна пераадолела 15-кіламетровую дыстанцыю без памылак у стральбе за 42 хвіліны 57,4 секунды.

- Сама не верыла да самага фінішу, што змагу апынуцца ў медалях. Гэта першы раз у маёй кар'еры, калі я выйграю этап Кубка свету, ды і даўно я не была на п'едэстале. Апранулася спецыяльна цёпла, так што ведала, што калі змерзну, то могуць быць праблемы, - сказала яна ў прамым эфіры «Матч ТВ».

- На мой погляд, я была занадта сканцэнтраваная на стральбе, разумела, што вельмі доўга знаходжуся на рубяжы, але хацелася "нуль". І я, вядома, здзівілася, калі даведалася, што еду першай. Мы дапамагалі з Валяй Семярэнка адзін аднаму, яна сказала дзякуй, і я ёй падзякавала. Упершыню заняла першае месца. я вельмі шчаслівая! Гэта падарунак маёй маме на дзень народзинащ (28 лістапада). Для мяне на кожным старце важна добра страляць. Важней трапляць, чым страляць хутка - такі ў мяне стыль стральбы. У індывідуальнай гонцы гэта сапраўды важна, лічу, што не варта спяшацца, па меншай меры, у гэтай гонцы", - распавяла Надзея Скардзіна.

Прэзідэнт Беларусі Аляксандр Лукашэнка павіншаваў біятланістку з заваяваннем залатога медаля.

- Твой яркі поспех, дасягнуты дзякуючы працавітасці і волі да перамогі, падарыў усім беларусам выдатныя хвіліны радасці і гонару за сваю краіну. Гэта тваё першае золата на этапах Кубка свету, якое ўсяляе ў каманду надзею і ўпэўненасць у сваіх сілах у пачатку алімпійскага сезона, - гаворыцца ў віншаванні.

Прэзідэнт пажадаў Надзеі Скардзіна, яе калегам па зборнай і трэнерскаму штабу здароўя, поспеху і новых перамог.

Дар'я Домрачава ў выніковым пратаколе размясцілася на 14-м месцы - +1 мін. 47,8 сек. (1 + 1 + 0 + 1).

Другое месца заняла нарвежка Сюннёве Сулемдал (без промахаў; адставанне - 2,9 секунды). Тройку прызёраў замкнула ўкраінка Юлія Джыма (без промахаў; 12,0).

ria.ru, БЕЛТАby.tribuna.com

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.