Вы тут

У першыя выхадныя каляндарнай зімы надвор'е будзе цёплае


У першыя выхадныя каляндарнай зімы надвор'е будзе цёплае, але ветранае і з ападкамі, паведамілі спецыялісты ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння ўдзень умовы надвор'я на тэрыторыі Беларусі будуць вызначаць атмасферныя франты, не абыдзецца без ападкаў кароткачасовага характару. На асобных участках дарог — галалёдзіца. Месцамі, пераважна па поўначы краіны, чакаецца моцны парывісты вецер. Тэмпература паветра на працягу сутак складзе ад нуля да плюс 5 градусаў, днём па паўднёвым усходзе павысіцца да 7 градусаў цяпла.

Чакаецца, што ў выхадныя дні надвор'е ў краіне будзе вызначаць вільготная паветраная маса, якая паступае з Балтыйскага мора. У нядзелю ў паўднёва-ўсходніх раёнах адаб'ецца ўплыў франтальнага падзелу. Тэмпературны фон крыху панізіцца, але застанецца вышэйшы за кліматычную норму. У суботу ўначы пераважна па паўночна-заходняй частцы, днём у асобных раёнах краіны пройдуць кароткачасовыя ападкі, у асноўным у выглядзе мокрага снегу. Месцамі чакаюцца слабыя туман і галалёд, на дарогах — галалёдзіца. Тэмпература паветра ўначы складзе ад мінус 5 градусаў да плюс 1 градуса, удзень будзе знаходзіцца ў межах ад мінус 2 градусаў да 3 цяпла.

Уначы і раніцай у нядзелю чакаюцца слабыя туман і галалёд. У асобных раёнах, пераважна па паўднёвым усходзе краіны, пройдуць кароткачасовыя ападкі, у асноўным мокры снег. На дарогах месцамі галалёдзіца. Тэмпература паветра ўначы складзе ад мінус 5 да плюс 1 градуса, удзень — ад мінус 3 градусаў да 2 цяпла.

Згодна з доўгатэрміновымі прагнозамі айчынных спецыялістаў, у панядзелак Беларусь у асноўным будзе знаходзіцца пад уплывам вобласці паніжанага атмасфернага ціску. Удзень адаб'ецца ўплыў франтальнага падзелу, які перамяшчаецца з Балтыйскага мора. Уначы ў асобных раёнах, а ўдзень на большай частцы тэрыторыі краіны пройдуць кароткачасовыя ападкі, у асноўным снег і мокры снег. Таксама месцамі чакаюцца слабыя туман і галалёд. На асобных участках дарог — галалёдзіца. Тэмпература паветра ўначы складзе 1—6 марозу, удзень — ад мінус 3 градусаў да 3 цяпла.

Сяргей КУРКАЧ

kurkасh@zvіаzdа.bу

Загаловак у газеце: Мокры снег і... холадна

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».