Вы тут

У Савеце Рэспублікі разгледзелі 14 пытанняў


У парадку дня чарговага пасяджэння трэцяй сесіі Савета Рэспублікі Нацыянальнага сходу Беларусі шостага склікання былі законапраекты, звязаныя з двухбаковымі міжнароднымі адносінамі, Нацыянальнай акадэміяй навук, ЕАЭС, Мэтамі ўстойлівага развіцця...


Парламентарыі ратыфікавалі пагадненне аб супрацоўніцтве паміж Беларуссю і Кітаем у рэалізацыі канцэпцыі будаўніцтва Эканамічнага пояса Шаўковага шляху. Старшыня Пастаяннай камісіі Савета Рэспублікі Нацыянальнага сходу Беларусі па міжнародных справах і нацыянальнай бяспецы Сяргей РАХМАНАЎ адзначыў, што пагадненне вызначае канкрэтныя дэталі ўзаемадзеяння.

Ухвалены таксама змены ў Закон «Аб Нацыянальнай акадэміі навук Беларусі». У законапраекце ўдакладняюцца задачы, якія стаяць перад НАН, тлумачыць старшыня Пастаяннай камісіі Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці Ірына СТАРАВОЙТАВА. Гэта пытанні, звязаныя з маніторынгам расліннага і жывёльнага свету, а таксама з правядзеннем навуковых даследаванняў у касмічнай прасторы. Акадэмія навук і раней займалася гэтымі напрамкамі, але ў дадзеным законапраекце яны замацоўваюцца ў адзіным выглядзе.

Прагаласавалі сенатары і за змены ў Закон «Аб патэнтах на вынаходкі, карысныя мадэлі, прамысловыя ўзоры». «Гэта пытанне эфектыўнасці і якасці нашай даследчай дзейнасці ў розных сферах, — гаворыць Ірына Старавойтава. — Закон мае сур'ёзныя прагрэсіўныя рысы. Патэнтаўладальнікі цяпер змогуць атрымаць кампенсацыю ў выпадку парушэння іх правоў. І памер кампенсацыі будзе ад 1 да 50 000 базавых велічынь. Гэтая норма ўводзіцца ўпершыню.

Надзея АНІСОВІЧ

аnіsоvісh@zvіаzdа.bу

Загаловак у газеце: Канкрэтыка на Шаўковым шляху

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».