У Полацкім дзяржаўным універсітэце адкрываецца цэнтр кітайскай мовы і культуры. Пагадненне аб супрацоўніцтве было падпісана ў красавіку бягучага года. Яно прадугледжвае пашырэнне выкладання кітайскай мовы і знаёмства з культурай Кітая.
За час, які прайшоў з моманту падпісання пагаднення, полацкія выкладчыкі і студэнты наведалі майстар-класы па мастацтве кітайскай каліграфіі і традыцыйнай цырымоніі чаявання, пабывалі на канцэрце ансамбля Даляньскага ўніверсітэта замежных моў, дзе адбылося знаёмства з музычным фальклорам, народнымі танцамі КНР і майстэрствам ушу. Акрамя гэтага, кіраўніцтва і выкладчыкі ПДУ пабывалі на другім форуме Асацыяцыі навукова-тэхналагічных паркаў зон высокіх і новых тэхналогій «Шаўковы шлях». Студэнты ВНУ прымалі ўдзел у ІV Беларуска-кітайскім маладзёжным інавацыйным форуме «Новыя гарызонты — 2017», які прайшоў у пачатку лістапада ў Мінску. Рэалізуючы дамоўленасці, у Полацкім дзяржаўным універсітэце з кастрычніка гэтага года пачалі вывучаць кітайскую мову. Заняткі наведваюць выкладчыкі ўніверсітэта, студэнты і школьнікі. Педагогі — высокакваліфікаваныя спецыялісты, якія працуюць па сучасных методыках.
Стварэнне цэнтра з'яўляецца важным практычным вынікам рэалізацыі пагаднення паміж партнёрамі — Полацкім дзяржаўным універсітэтам і Беларускім нацыянальным тэхнічным універсітэтам, на базе якога дзейнічае Інстытут Канфуцыя па навуцы і тэхніцы.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.