Вы тут

Памятны штэмпель выпушчаны з нагоды юбілею Беларускага Дома друку


Спецыяльны памятны штэмпель з нагоды 100-годдзя заснавання Беларускага Дома друку выпушчаны да юбілею флагмана беларускай паліграфіі.


Фота БЕЛТА

У цырымоніі гашэння маркіраванага канверта, выдадзенага РУП «Белпошта» да гэтай знамянальнай падзеі, узяў удзел міністр інфармацыі Беларусі Аляксандр Карлюкевіч. Ён адзначыў, што гісторыя развіцця айчыннай перыёдыкі і кнігавыдавецтва немагчымая без працы калектыву Беларускага Дома друку.

— На сёння ваша прадпрыемства ў краіне — манапаліст, прычым у найлепшым сэнсе гэтага слова. Гэта высокапрафесійны і надзейны партнёр, які нясе адказнасць за медыйнае суправаджэнне нашага жыцця, — падкрэсліў Аляксандр Карлюкевіч.

Намеснік кіраўніка спраў Прэзідэнта Валерый Ярмошка дадаў, што сёння паліграфічны вытворца задавальняе попыт на друкаваныя выданні ў поўным аб'еме. Тут штомесяц выпускаецца каля 30 мільёнаў экзэмпляраў газет і друкуецца каля 2 мільёнаў асобнікаў кніг у год. Пры гэтым калектыў працуе з неблагімі паказчыкамі. У прыватнасці, рэнтабельнасць продажаў за 9 месяцаў гэтага года склала 8%.

Акрамя выпуску перыядычных выданняў і кніг, шукае прадпрыемства і іншыя кірункі дзейнасці. Як расказаў генеральны дырэктар РУП «Выдавецтва «Беларускі Дом друку» Раман Алейнік, сёння адным з перспектыўных кірункаў з'яўляецца выпуск упакоўкі. Штогод яе колькасць у агульным аб'ёме прадукцыі прадпрыемства істотна расце і сёлета складае 25%. Вырабляюць тут і разнастайную сімволіку: дзяржаўную, спартыўную, карпаратыўную. Дарэчы, сцяг №1, які развіваецца ў сталіцы на плошчы Дзяржаўнага сцяга, зроблены менавіта тут. Сёння ў калектыве гэтага найстарэйшага паліграфічнага прадпрыемства Беларусі працуе 700 чалавек.

Першы намеснік генеральнага дырэктара РУП «Белпошта» Алена Скрыпчык звярнула ўвагу на тое, што Беларускі дом друку займаецца і выпускам беларускіх філатэлістычных матэрыялаў. Тут надрукавана каля 600 відаў марак. «Белпошта» ў сваю чаргу прэзентавала да юбілею прадпрыемства маркіраваны канверт з выявай яго будынка і лагатыпам.

Алена КРАВЕЦ

Загаловак у газеце: Канверт да юбілею

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.