Старшыня Пастаяннай камісіі Савета Рэспублікі Нацыянальнага сходу Беларусі па заканадаўстве і дзяржаўным будаўніцтве, намеснік старшыні Камісіі Парламенцкага сходу Саюза Беларусі і Расіі па заканадаўстве і рэгламенце Ала Бодак прыняла ўдзел у пасяджэнні Камісіі Парламенцкага сходу па інфармацыйнай палітыцы.
На пасяджэнні быў разгледжаны ход падрыхтоўкі праекта дэкрэта Вышэйшага дзяржаўнага савета Саюзнай дзяржавы «Аб бюджэце Саюзнай дзяржавы на 2018 год», у тым ліку магчымасць фінансавання ў рамках Саюзнай дзяржавы развіцця інфраструктуры адукацыйнага працэсу і навуковых даследаванняў Беларуска-Расійскага ўніверсітэта ў Магілёве. Акрамя таго, парламентарыі абмеркавалі праекты рэкамендацый парламенцкіх слуханняў «Збліжэнне заканадаўства Рэспублікі Беларусь і Расійскай Федэрацыі па пытаннях забеспячэння роўных правоў грамадзян Саюзнай дзяржавы» і палажэння аб Маладзёжнай палаце пры Парламенцкім сходзе Саюза Беларусі і Расіі.
Акрамя таго, старшыня Пастаяннай камісіі правяла ў Савеце Рэспублікі асабісты прыём грамадзян. У прыватнасці, падчас яго жыхар вёскі Красны Беражок Вілейскага раёна Мінскай вобласці звярнуўся з просьбай: аказаць садзейнічанне пры афармленні дакументаў у сувязі з падзелам жылога дома і вызначэннем парадку карыстання зямельным участкам. Заяўніку было растлумачана, што вырашэнне ўзнятага пытання магчыма па ўзаемнай згодзе ўласнікаў жылога дома. Паколькі пытанні, якія датычацца дзяржаўнай рэгістрацыі нерухомай маёмасці, правоў на яе і здзелак з ёй, адносяцца да кампетэнцыі Нацыянальнага кадастравага агенцтва, да іх вырашэння мэтазгодна прыцягнуць экспертаў гэтай арганізацыі.
Вераніка ПУСТАВІТ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
